Untitled Document

मधेशसँग टुट्यो प्रचण्डको लभ,  सिरहा त्याग्दै सुनाए निश्कर्ष : बिश्वास गर्न लायक नै छैनन मधेशी मतदाता

अव त मधेशी मतदाताप्रति मलाई फिटिक्कै बिश्वास छैन, तिनले हामी माओवादीलाई हराउँछन, जाँनी जाँनी हार्ने ठाउँमा कस्ले लभ गर्छ ? त्यसैले चितवनतिर फर्किएँ

गणेश बस्नेत/काठमाडौं

दोस्रो संबिधानसभा निर्वाचनमा सिरहाबाट निर्वाचित नेकपा माओवादी केन्द्रका अध्यक्ष पुष्पकमल दाहाल, प्रचण्डले यसै साता सो क्षेत्रमा चुनाव नलडने घोषणासहित अव चितवनबाट निर्वाचन लडने निर्णय सुनाए ।

आगामी असोज २ गते हुन लागेको स्थानीय तहको निर्वाचनमा पार्टीका उम्मेदवारलाई जिताउने अभियानमा जाँदा देखिएको तथ्यले कोर मधेसी मतदाता बिश्वाश योग्य नपाइएको निश्कर्ष निकाली प्र्रचण्डले चितवनबाट चुनाव लडने घोषणा गर्नुभएको हो ।

प्रदेश २ को चुनावी प्रचारमा सप्तरी, सिरहा, सर्लाही, धनुषा, महोत्तरी, बारा, पर्सा र रौतहट पुगेपछि पूर्वप्रधानमन्त्रीसमेत रहनुभएका दाहाल चितवन पुगेर प्रदेश २ लाई आफूले त्यागेको घोषणा गर्दै चीतवनबाटै आगामी चुनावमा उम्मेदवार बन्ने निर्णय सुनाउनु भयो । ‘म अव चितवनबाटै चुनाव लडछु, मेरो लभ चितवनमै छ,’  दाहालले भन्नुभयो ।

उहाँको यो घोषणापछि माओवादी केन्द्रको नेताहरु निकै आक्रोशित बने । प्रदेश २ को चुनावको मुखमा सोही प्रदेशमा पर्ने सिरहाका सांसद दाहालले गरेको घोषणा आम मधेसी मतदाताप्रतिको अपमान थियो ।

चुनावको मुखैमा यस्तो घोषणा नगर्दा हुन्थ्यो, तर भावनामा आएर गरिहालेछु । तथापी प्रदेश २ को कुनै पनि जिल्लामा म चाँही चुनाव लडदिन, ती जिल्लाका मधेसी मतदाता बिश्वाश गर्न लायक नै छैनन

दाहाललाई नारायणकाजी श्रेष्ठदेखि बर्षमान पुन, कृष्णबहादुर महरादेखि शक्ति बस्नेत, अनि प्रभु साहदेखि गिरीराजमणि पोखरेलसम्मले दाहालसामु आक्रोश पोखे,  ‘पार्टी अध्यक्ष भएर प्रदेश २ को चुनाव सामु किन यस्तो निर्णय लिनुभयो ? मधेशका मतदाताको अपराध के थियो ? मधेशसँग तपाइको लभ टुटेकै हो ? ’

दाहालले जवाफ फर्काउनु भयो, ‘चुनावको मुखैमा यस्तो घोषणा नगर्दा हुन्थ्यो, तर भावनामा आएर गरिहालेछु । तथापी प्रदेश २ को कुनै पनि जिल्लामा म चाँही चुनाव लडदिन, ती जिल्लाका मधेसी मतदाता बिश्वाश गर्न लायक नै छैनन ।’

बिगतमा जे जे गरियो, जे जे नारा दिइयो, ती केही पनि भएनन, माओवादीले साँच्चीकै गुमराहमा राख्यो, एउटा कुरा भन्यो, काम अर्कै गर्यो, राष्ट्रियताको अडान पनि त्याग्यो भन्ने धारणा मधेसका मतदातामा पाएँ, त्यो भनेको मधेशमा हामीलाई बिश्वास छैन भन्नु हो, त्यसैले कोर मधेसी मतदाता हामीले बिश्वास गर्न योग्य छैनन

दाहालको यो भनाईपछि प्रश्नसहित आक्रोश पोख्ने माओवादी नेताहरु पार्टी त सकिएछ भन्दै हिडेका थिए । लाजिम्पाट स्रोतका अनुसार दाहालले आफू निकट नेताहरुसँग मधेशमा अव आफूलगायतका माओवादीका प्रभावशाली नेताले चुनाव जित्न नसक्ने दृष्यसमेत राख्नुभएको छ । ‘बिगतमा जे जे गरियो, जे जे नारा दिइयो, ती केही पनि भएनन, माओवादीले साँच्चीकै गुमराहमा राख्यो, एउटा कुरा भन्यो, काम अर्कै गर्यो, राष्ट्रियताको अडान पनि त्याग्यो भन्ने धारणा मधेसका मतदातामा पाएँ, त्यो भनेको मधेशमा हामीलाई बिश्वास छैन भन्नु हो, त्यसैले कोर मधेसी मतदाता हामीले बिश्वास गर्न योग्य छैनन,’  दाहालको अनुभुति सुनाउँदै माओवादी केन्द्रकै एक नेताले भने ।

उनका अनुसार दाहालले आफूलाई चितवन सुरक्षित रहेको भन्दै अव कसैले पनि चुनाव हार्ने प्रदेश २ मा आफूलाई निर्वाचन लडन जाने सुझाव नदिन समेत निर्देशन दिनुभएको छ । ‘अव त मधेशी मतदाताप्रति मलाई फिटिक्कै बिश्वास छैन, तिनले हामी माओवादीलाई हराउँछन, जाँनी जाँनी हार्ने ठाउँमा कस्ले लभ गर्छ ? त्यसैले चितवनतिर फर्किएँ, ’  दाहालको भनाई उधृत गर्दै ती सदस्यले भने ।

सिरहा, सप्तरी, रौतहट, बारा, पर्सा जताजता भने पनि अव त्यहाँका मतदातामा बिल्कुलै बिश्वास नगर्दा हुन्छ, तिनले मलाई मात्रै होइन, हामी माओवादीलाई नै हराउँछन, अव जहाँका (मधेशका मतदाता) मतदातालाई बिश्वास गर्नै सकिन्न, चुनाव भनेर तिनकै क्षेत्रमा किन बस्ने ? मैले चितवन आएर मुख खोलें

ती सदस्यका अनुसार नेताहरुको आक्रोश शान्त पार्न प्रचण्ड यति धेरै खुले कि, भरतपुर महानगरमा छोरी रेणु दाहाललाई सवै मिलाएर जिताउनुको कारण पनि आफू सोही क्षेत्रबाट केन्द्रीय संसदको चुनाव लडनको लागि पुर्वाधार बनाइएको हो ।

‘रेणुलाई जसरी पनि जिताउनुको कारण म आफै त्यही चुनाव लडनका लागि हो नि त, सिरहा, सप्तरी, रौतहट, बारा, पर्सा जताजता भने पनि अव त्यहाँका मतदातामा बिल्कुलै बिश्वास नगर्दा हुन्छ, तिनले मलाई मात्रै होइन, हामी माओवादीलाई नै हराउँछन, अव जहाँका (मधेशका मतदाता) मतदातालाई बिश्वास गर्नै सकिन्न, चुनाव भनेर तिनकै क्षेत्रमा किन बस्ने ? मैले चितवन आएर मुख खोलें,’ दाहालको निश्कर्ष थियो ।

२९ भाद्र २०७४, बिहीबार ०८:३५मा प्रकाशित

Leave a Reply

Your email address will not be published. Required fields are marked *