Untitled Document

सिद्धबाबा सडक खण्डको विकल्प बन्दै झुम्सा-चौकीभञ्ज्याङ-चरंगे-धागो कारखाना खण्ड : मुख्यमन्त्री पोखरेलले गरे निरीक्षण

बुटवल, असार ८

पहिरोको समस्याले सधै यात्रु सडकमा अलपत्र पर्ने भएपछि प्रदेश सरकारले सिद्धबावा सडक खण्डको बिकल्प खोज्ने गृहकार्य अघि बढाएको छ । सोही गृहकार्य अनुसार शुक्रवार सिद्धार्थ राजमार्गअन्तर्गत सिद्धबाबा सडक खण्डको विकल्पका रूपमा प्रदेश सरकारले अघि सारेको झुम्सा-चरंगे सडकको मुख्यमन्त्री शंकर पोखरेलले निरिक्षण गर्नुभयो ।

सिद्धबाबा खण्डमा पहिरोले जोखिम बढेपछि अघि सारिएको झुम्सा-चौकीभञ्ज्याङ-चरंगे-धागो कारखाना खण्डको सडक स्तरोन्नति गर्न सहज देखिएको छ । केही दिन अघि स्थानीय तह र उपभोक्ता समितिको पहलमा सडकको ट्रयाक खुलेको हो ।

प्रदेश सरकारले आगामी आवका लागि १० करोड विनियोजन गरेपछि पाल्पाली मात्रै नभएर सिद्धार्थ राजमार्गमा यात्रा गर्नेहरु खुशी छन् । स्तरोन्नति छिटो गर्न सके सिद्धबाबा सडक सुरक्षित नहुञ्जेल यो मार्ग भरपर्दो विकल्प हुनेछ ।

सिद्धबाबा सडक खण्ड सुरक्षित बनाउन सकेपनि यो वैकल्पिक मार्गको आवश्यकतामा कुनै कमि हुनेछैन् । वैकल्पिकमार्ग सिद्धार्थ राजमार्गको झुम्साबाट २० किमि बुटवल नजिकैको धागो कारखानासम्म पुग्न सकिन्छ ।

June 22, 2018मा प्रकाशित

Leave a Reply

Your email address will not be published. Required fields are marked *