जनता टाइम्स

३१ बैशाख २०७६, मंगलवार १८:५७

एनआरएनए अमेरिका निर्वाचन : मतदातामाझ लोकप्रिय बन्दै युथ कोअर्डिनेटरका उम्मेद्वार प्रितम कुसियत


अमेरिका, बैशाख ३१

गैर आवासीय नेपाली संघ (एनआरएनए) अमेरिकाको आसन्न निर्वाचनमा युथ कोअर्डिनेटरका प्रत्यासी युवा व्यवसायी प्रितम कुसियत दुई अध्यक्षका साझा उम्मेदवार बन्ने निश्चित भएको छ । अध्यक्षका प्रत्यासी सूर्य लम्साल र सञ्जय थापाको समहुले नै कुसियतलाई साझा उम्मेवार बनाउने सहमति गरेका छन । यूथको अर्डिनेटरका प्रत्यासी कुसियतले थापा र लम्साल दुवैले आफुलाई साझा उम्मेद्वारका रुपमा अघि सारेको बताउनु भयो ।

‘म दुवै अध्यक्षको साझा उम्मेदवारको रुपमा मैदानमा खडा भएको छु, मेरो उद्धेश्य युवा र व्यवसायिक व्यक्तिहरुलाई एनआरएनए अभियानमा संलग्न गराउने हो, चुनाव जितेपछि म यही काममा लाग्नेछु,’ कुसियतले भन्नुभयो, ‘यसकारण दुवै टिमले मलाई रोजेको हो । म साझा उम्मेदवार बनेको छु ।’ कुसियतलाई आफ्नो टीममा सहभागी गराउने अध्यक्षद्वय थापा र लम्सालबीच नै चुनाव जित्नेमा प्रतिस्पर्धामा रहेका छन । एमबिएसम्मको अध्ययन पूरा गर्नुभएका कुसियतमा युवाहरुलाई संगठित गर्न सक्ने खुवी रहेको छ । आफूले चुनाव जितेको अवस्थामा एनआरएनएमा बिगत भन्दा निकै परिवर्तनको अनुभुति दिलाउने अठोट उहाँको छ ।

युएसए आईटी कर्पोरेशनको संचालक रहनुभएका कुसियतले अहिलेसम्म पुरा हुन नसकेको कार्यलाई पुरा गर्नका लागि र एनआरएनको सामाजिक सहभागीता बृद्धि गर्नका लागि आफ्नो भुमिका रहने बताउनु भयो । अमेरिकाभरीका युवालाई मुल धारमा ल्याउनका लागि आफुले सक्दो सहयोग गर्ने घोषणा गरेका कुसियतले सबै तह तप्कालाई समेटेर एनआरएनलाई नयाँ उचाई थप्ने काममा लाग्ने बताउनु भयो । एनसीसी युवाहरुको संस्था भएकोले यसलाई विवाद मुक्त बनाउने आफ्नो भुमिका हुने समेत चुनावी एजेण्डा अघि सार्नुभएको छ । सुनसरीबाट अमेरिका पुगेका कुसियतले धेरै नेपालीलाई रोजगारी समेत प्रदान गर्दै आउनु भएको छ ।

नेपालीले बिदेशमा केही गर्न सक्दैनन् भन्ने कुरालाई चिर्दै अघि बढेका युवा उद्यमी कुसियत अमेरिकाको सिकागो सहरमा बस्दै आउनुभएको छ । उहाँले युनाईटेड नेप्लीज एसोसियसनमा युएनए मिड वेस्ट रिजनल कोर्डिनेटरको अनुभव समेत बटुलिसक्नु भएको छ । एनसीसी युथ कोर्डिनेटरमा उम्मेदवारी दिएका कुसियतको मूख्य उदेश्य भनेको अमेरिकामा रहेका युवाहरुलाई मुलधारमा ल्याउनु रहेको बताउनु भयो । सुनसरीको कोशी गाउँपालिकामा निवासी कुसियत सन् २००८ मा अमेरिका आइपुग्नुभएको हो ।