Untitled Document

पोखरामा पहिरोमा परि दुईको मृत्यु, जमिन भासिएपछि वस्ती जोखिममा

पोखरा, असार १८ । अविरल वर्षाका कारण पोखरामा पहिरोमा परि दुईको मृत्यु भएको छ भने जमिन भासिएपछि बस्ती जोखिममा परेको छ । शनिबार रातिदेखि परेको अविरल वर्षाका कारण फुसे्र खोलामा आएको बाढीले पोखरा लेखनाथ महानगरपालिका वडा नं १७ र २१ लाई जोडने दोविल्लाको पक्की पुल र सो क्षेत्रको वस्ती जोखिममा परेका हुन् ।

अविरल वर्षाका कारण स्थानीय फुस्रोखोलाले बगाउँदा एक महिला बेपत्ता भएकी छन्। पोखरा लेखनाथ महानगरपालिका १८ पस्याङपाखामा गए राति १२ बजे बर्षा संगै घर पछाडिबाट ढिस्को खसेर तारापति अधिकारीको घरको एउटा कोठा पुरिएर गुल्मी घर भइ ठूली आमाको घरमा बस्दै आएका १४ बर्षीय टंक क्षेत्रीको मृत्यु भएको प्रहरीले जनाएको छ ।

जिल्ला प्रहरी कार्यालय कास्कीका प्रवक्ता डिएसपी खड्गबहादुर खत्रीका अनुसार पोखरा १९ अकलादेवीको मन्दिर नजिकै गए राति गएको पहिरोले पुरिदा ४० वर्षीया शोभा पोडेलको ज्यान गएको छ । ब्लकले बनेको भान्छा कोठामा काम गर्दै गर्दा पहिरोले बगाएको पौडेलको शव आइतबार बिहान घर भन्दा एक सय मिटर तल भेटिएको डिएपी खत्रीले बताए ।

खोलाको बढ्दो कटानसँगै घर जोखिममा परेपछि स्थानीय धरमबहादुर क्षेत्री विस्थापित भएको छ भने भूपेन्द्र गिरी, कमलनारायण गिरी, सरस्वती छन्त्याल र प्रताप रानाका घर उच्च जोखिममा परेका छन् ।

खोलाले पूर्वपट्टिको भागलाई कटान गरी सडकसमेत भत्काउँदा खोलाको पश्चिमस्थित भरतपोखरीका बागमारा, मनियलडाँडा, बर पाण्डेथुम, निर्मलपोखरीस्थित फोक्सिङ, शिवालयलगायत स्थानमा जाने सार्वजनिक यातायात सेवा बन्द हुँदा उक्त क्षेत्रका स्थानीय प्रभावित भएका छन् ।

बाढीले ओशो ध्यान केन्द्र, सहारा एकेडेमी जस्ता संस्थाका साथै उक्त क्षेत्रका २५ घर जोखिममा परेको स्थानीयले बताएका छन । गत वर्ष पनि खोलाले कटान गरे पछि सरकारले संरक्षणका लागि रु एक करोड ८५ लाखको लागतमा कटान नियन्त्रणको प्रयास गरे पनि समयमा काम हुन नसक्दा झन समस्या थपिएको छ ।

१८ असार २०७४, आईतवार २१:३८मा प्रकाशित

Leave a Reply

Your email address will not be published. Required fields are marked *