Untitled Document

अधुरै रहने भयो बामदेवको सांसद सपना

नेकपाका महासचिवको सुझाव देशभरबाट आएका नेता, कार्यकर्ता, सुभेच्छुक,समर्थक र मतदाताको साझा भावना कदर भएको छ । देशैभरका कार्यकर्ता यही चाहिरहेका छन । त्यसैका आधारमा महासचिव पौडेललेउपचुनावबाट सांसद बन्ने बाटो बामदेवले त्याग्नुपर्ने प्रष्ट अडान सार्वजनिक गर्नुभएको देखिन्छ । पौडेलको यो अडानसँगै अव बामदेवको सांसद सपना पनि यही अन्त्य भएको मान्न सकिन्छ ।

काठमाडौं, असोज २५

नेपाल कम्युनिस्ट पार्टी (नेकपा) का महासचिव बिष्णुपौडेलमाथि प्र्रदेश ५ स्थित बाँकेका एक शुभचिन्तकले फेसबुकमा स्ट्याटस लेखे, बामदेव गौतमलाई जसरी पनि सांसद बनाउन नेकपाका महासचिव बिष्णु पौडेल निर्वाचित सांसदलाई राजीनामागराउने अभियानमा लागेको देखियो, उहाँले अरुलाई राजीनामा गराउनु भन्दा आफ्नै क्षेत्र छाडिदिए सरक्षित हुने थियो । बाँके ३ बाट निर्वाचित सांसदलाई राजीनामागराउने हल्ला चलेपछि त्यहाँका मतदातासमेत रहेका पौडेलका समर्थकको सुझाव थियो यो ।

त्यसअघि डोल्पाका सांसद तथा पर्यटन राज्यमन्त्री धनबहादुर बुढालाई राजीनामा गराउने हल्ला चल्यो । धनबहादुर बामदेवका लागि छाडन तयार भइ जिल्लाका मतदातासँग परामर्श गर्न जानुभयो । तर एकजना मतदाता र पार्टीका नेता कार्यकर्ता राजीनामा दिएर बामदेवलाई चुवना उठाउने बिषयमा सहमत भएनन । बुढाले निकै सम्झाउने प्रयाश गर्नुभयो, मतदाता मानेनन। काठमाडौं फर्किएर पूर्वनिर्णय बदले अनि बामदेवसामु भने, ‘म त सम्मानित नेताका लागि ठाउँ छाडन तयार थिएँ, तर मेरा मतदाता मान्दै मानेनन, त्यसकारण राजीनामा दिन्न ।’

डोल्पा सुरक्षित क्षेत्र मानेर बुढालाई राजीनामा गराएर उपनिर्वाचन मार्फत संसदमा आउन बामदेवले यस्तो प्रस्ताव गर्नुभएको । तर संभव भएन, त्यसपछि रुकुम, रोल्पातिर हल्ला चल्यो, बामदेवका लागि राजीनामा गराउने ब्यक्तिको खोजी भयो, कोही पनि मानेनन । यी सवै अभियान चल्दा महासचिव बिष्णु पौडलमाथि नै आक्रोश बढन थाल्यो । कतै महासचिव पौडेल आफै बामदेवका लागि निर्वाचित सांसदको राजीनामागर्न बाध्य पारेर लोकतन्त्रको गलत अभ्याश अनि मतदाताको अपमान गरिरहनु भएको छैन भन्ने आशंका कार्यकर्ता पंक्तिमा हुन थाल्यो ।

तर गत २१ गतेको सचिवालय बैठकमा पौडेल आफै चकित भए । सचिवालयमा प्रस्ताव आयो, काठमाडौं ७ बाट निर्वाचित सांसद रामबीर मानन्धरले अध्यक्ष केपी शर्मा ओली रपुष्पकमल दाहाल,प्रचण्डलाई सम्बोधन गरेर ‘वामदेव कमरेडलाई प्रतिनिधिसभा सदस्यमा चुनाव लडाउन म ठाउँ खाली गर्न चाहान्छु, अनुमति पाऊँ’ भनेर लेखिएको पत्र देखपछि सवै नेता चकित परे । उपप्रधान तथा रक्षामन्त्री समेत रहनुभएका नेता इश्वर पोखरेलले यस्तो नचाहिने र लोक हसाउने काम पनि गर्छन भन्दै प्रतिवाद गर्नुभयो । बामदेवलाई सांसद बनाउन गरएको यो पत्र सचिवालयको बैठकमा प्रस्तुत भएपछि भने काठमाडौंमा एकाएक माहोल तात्यो ।

बामदेवको लागि ठाउँ खाली भयो, काठमाडौं सातबाट चुनाव लडने पक्का भन्दै सञ्चारमाध्यमहरुमा समाचार आए । सांसद मानन्धरले पत्रकार सम्मेलन नै गरेर राजीनामा दिन तयार भएको बताउनु भयो । बामदेवका लागि ठाउँ छाडन पाउँदा दुःख होइन, गर्व लाग्यो भन्ने अभिब्यक्ति पनि आयो । लगत्तै बामदेवले ‘नतमस्तक छु कमरेड रामबीर मानन्धर’ भन्दै फेसबुकबाटै आभारप्रकट गर्नुभयो । सचिवालयमा प्रस्तुत भएको सो पत्रको बिषयमा कुनै निर्णय भने भएको छैन ।

नेकपाले निर्णय नगर्दा नै काठमाडौंको जनमत भने ठीक उल्टो देखियो । देशैभरबाट ‘लोकतन्त्रको हुर्मतलिने काम नहोस, काठमाडौं ७ मा बामदवले जित्नै सक्दैनन’ भन्दै सामाजिक सञ्जालमा नेतृत्वलाई सुझाव आयो, जहाँ बामदेव गौतमको छविमाथि चर्को आक्रमण गर्दै गालीगलौजको बर्षासमेत भयो । एक घण्टामै दश हजार गालीका बर्षा पनि भए । यता काठमाडौं ७ का मतदाताले पनि प्रश्न् उठाए ।

नेकपा नेतृत्वमाथि निर्वाचित सांसदलाई राजीननामा दिन लगाएर उपचुनाव गराउने बाटो झोलामा हात्ति छिराउने जस्तै हो भन्ने सुझावसहित यस्तो काम नगर्न चर्को दवाव परिरहेको छ । निर्णय के हुन्छ भन्न सकिने अवस्थामा छैन । यद्यपी तीन दिनमै नेकपाको छवीमा निकै ठुलो आँच आएको छ । सामाजिक सञ्जालमा गालीको बर्षा भएको छ । कम्युनिस्टहरुले लोकतन्त्रको हुर्मत लिए भन्दै बिपक्षीहरु आफ्नो उचाई माथि पुगेको महसुस गरिरहेका छन । चुनाव हारिसकेकोले फेरि चुनाव उठदिन भन्ने बिश्वप्रकाश शर्मादेखि चन्द्र भण्डारीसम्मका बिचार सामाजिक सञ्जालमा पोखिएका छन, सुभेच्छुकले उम्मेदवारकोचर्चा गर्दा नै ।

जताततै बामदेव र रामबीरको चर्चा भइरहँदा आज मात्रै एक अनलाइनमा महासचिव पौडेलले मुख खोल्नुभएको छ, बामदेव गौतमले उपनिर्वाचनमार्फत सांसद बन्ने बाटो अव त्याग्नुपर्छ । पौडेलको यो अभिब्यक्ति निकै अर्थ राख्ने खालको छ । बामदेवलाई जरी पनि सांसद बनाउन निर्वाचित सांसदलाई राजीनामा गराउने खेलमा लागेको आरोप खेप्नुभएका महासचिव पौडेलले नै अव काठमाडौं ७ मात्रै होइन, यो प्रतिनिधिसभाको उपनिर्वाचन गराएर सांसद बन्ने बाटो बन्द गर्नुपर्छ भन्नुभएको छ ।

सचिवालयको जोडघटाउ गर्दै गौतम पक्षधरतिर पारिएका महासचिव पौडेलको यो अडान नै काफी अर्थपुर्ण मान्नुपर्छ । उहाँले नै निकं महंगो सावित भएकोकाठमाडौं ७ प्रकरण भनेपछि सचिवालयमा बाँकी कुनै नेताले यति अप्रिय निर्णय गर्न साथ दिने छैनन । सचिवालयमा बामदेव एक्लै पर्ने देखिएको छ । अव गौतमले पनि यति महंगो सपनालाई ससदाका लागि त्याग्दा नै मुलुकको र नेकपाको हित हुने छ ।

नेकपाका महासचिवको सुझाव देशभरबाट आएका नेता, कार्यकर्ता, सुभेच्छुक,समर्थक र मतदाताको साझा भावना कदर भएको छ । देशैभरका कार्यकर्ता यही चाहिरहेका छन । त्यसैका आधारमा महासचिव पौडेललेउपचुनावबाट सांसद बन्ने बाटो बामदेवले त्याग्नुपर्ने प्रष्ट अडान सार्वजनिक गर्नुभएको देखिन्छ । पौडेलको यो अडानसँगै अव बामदेवको सांसद सपना पनि यही अन्त्य भएको मान्न सकिन्छ ।

October 11, 2018मा प्रकाशित

Leave a Reply

Your email address will not be published. Required fields are marked *