Untitled Document

विखण्डनवादी र संविधानविरोधी तत्व नेपाली सेनाको निगरानीमा : प्रधानसेनापति थापा

काठमाडौं,असोज २५

नेपाली सेनाले विखण्डनवादी र संविधान विरोधी तत्वको निरन्तर निगरानी गरिरहेको जनाएको छ । प्रधानसेनापति पूर्णचन्द्र थापाले आज पत्रकार सम्मेलन गरी सो जानकारी दिनुभएको हो ।

‘संवैधानिक प्रावधानअनुसार राष्ट्रिय एकता, भौगोलिक अखण्डता र राष्ट्रियहित प्रवद्र्धनलाई केन्द्रमा राखेर कार्यसम्पादन गरिरहेको छ, प्रधानसेनापति थापाले भन्नुभयो । गत भदौ २४ गते प्रधानसेनापतिको कार्यभार सम्हालेपछि पहिलोपटक आज सञ्चारकर्मीसँग भएको छलफलमा उहाँले राष्ट्रको राष्ट्रिय सेनालाई सुदृढ, सबल र सक्षम तुल्याउन आफू दृढ रहेको धारणा व्यक्त गर्नुभयो ।

“सात वटा साङ्गठनिक लक्ष्य र १५१ वटा कार्य योजना लिएर नेपाली सेनालाई पूर्ण व्यावसायिक बनाउन आफू प्रतिबद्ध रहेको छु, अब भनसुन र आफन्तवादको अन्त्य हुन्छ, प्रक्रिया र पद्धतिविपरीत कुनै काम हुँदैन,” प्रधानसेनापति थापाले भन्नुभयो । संस्थागत हित र स्वार्थलाई सर्वोपरि मानेर काम गर्ने प्रण गर्दै उहाँले व्यक्तिगत स्वार्थ सकलदर्जामा हाबी हुन नदिने प्रतिवद्धता व्यक्त गर्नुभयो ।

प्रधानसेनापति थापाले नागरिक सर्वोच्चतालाई नेपाली सेनाले स्वीकार गरेको तथा सैनिकको व्यवसायिकीकरण नै आफ्नो मूल मुद्दा भएको दोहो¥याउँदै कार्यसम्पादनका आधारमा सकल दर्जाको मूल्याङ्कन हुने र राष्ट्रिय सुरक्षामा प्रत्यक्ष असर पुग्ने कुनै किसिमका गतिविधि हुन नदिने प्रतिबद्धता पनि व्यक्त गर्नुभयो ।

शान्तिकालमा हरेक देशका सैन्य विकास-निर्माणका काममा जुटेका दृष्टान्त प्रस्तुत गर्दै उहाँले काठमाडौँ–तराई–मधेश द्रुतमार्ग निर्माण नेपाली सेनाको प्राथमिकताको परियोजना भएको र त्यसलाई निर्धारित समयमा पूरा गर्न अहोरात्र खटिने स्पष्ट पार्नुभयो ।

प्रधानसेनापति थापाले सरकारी निर्णयअनुसार बिम्स्टेक संयुक्त सैन्य अभ्यासमा नेपाली सेनाबाट उच्च तहमा प्रतिनिधित्व नभएको स्पष्ट पार्नुभयो । सैनिक कल्याणकारी कोष र अन्य कल्याणकारी गतिविधिलाई पूर्ण पारदर्शी तुल्याइने जानकारी पनि उहाँले दिनुभयो ।

cnc purnachandra thapa

October 11, 2018मा प्रकाशित

Leave a Reply

Your email address will not be published. Required fields are marked *