Untitled Document

अझै दुई दिन भिषण वर्षा हुने मौषम विभागको पूर्वाअनुमान, सर्तक रहन आग्रह (बाढीको प्रभाव, फोटो फिचर सहित)

काठमाडौ, साउन २८

शुक्रबार साझदेखी परेको अविरल वर्षाका कारण पूर्व सहित देशका अधिकाश भाग डुवानमा परेका छन् । पूर्वी र मध्य क्षेत्रका बबई र पश्चिम सेती नदीको आठ स्थानमा उच्च खतराको साइरन बजेको छ ।
शनिवार र आइतबार पनि मनसुनी वर्षाको गतिविधि देश भरिनै सक्रिय हुने भएकाले थप सतर्कता अपनाउन जल तथा मौसम विज्ञान विभागको बाढी पूर्वानुमान शाखाले अनुरोध गरेको छ । शाखाले आज पनि पूर्वी नेपालमा भारी वर्षा हुने जनाएको छ । पूर्वको झापा, इलाम, सुनसरी, मोरङ, सप्तरी, उदयपुर, धनकुटा, मध्येको रौतहट, सर्लाही, पर्सा, बारा, मकवानपुर, चितवन, नवलपरासी, रुपन्देही, कपिलवस्तुलगायतका क्षेत्रका जलाधारमा पानीको सतहले खतराको तह पार गर्ने चेतावनी दिएको छ ।

पश्चिमको कञ्चनपुर, कैलाली र बर्दियाका चुरे र महाभारतबाट प्रवाह हुने नदीहरुमा पानीको सतह बढ्ने जानकारी दिएको छ । शाखाका अनुसार मेची, निन्दा, बिरिङ, कन्काई, पथरी, त्रियुगा, बुढी खोला, बागमती, पूर्वराप्ती, रिउखोला, विनयखोला, अरुण खोला, तिनाउ, बाणगंगा र पश्चिमका मछेली, मोहना, बबईलगायतका नदी जलाधारमा बेलुकीसम्मै पानीको सतहले खतराको तह पार गर्ने भएकाले सचेत रहन अनुरोध गरेको छ ।

बाढीको प्रभाव, फोटो फिचर  –

(बाढीको प्रभाव, फोटो फिचर सहित

२८ श्रावण २०७४, शनिबार १२:१५मा प्रकाशित

Leave a Reply

Your email address will not be published. Required fields are marked *