काठमाडौं, बैशाख १५ । प्रधानमन्त्री केपी शर्मा ओलीले पूर्वप्रधानमन्त्रीद्वय पुष्पकमल दाहाल प्रचण्ड र माधवकुमार नेपाल समुह नेपाली कम्युनिष्ट आन्दोलन सकाउने एजेन्ट बनेका बताउनु भएको छ ।

नेकपा माओवादी केन्द्रका अध्यक्ष दाहाल र नेकपा एकीकृत समाजवादीका अध्यक्ष नेपालले आफूहरु बामपन्थी भएको नाटक गरेर कामचाँहि दक्षिणपन्थीलाई सघाइरहेको प्रधानमन्त्री ओलीले बताउनु भएको हो । मदन भण्डारी फाउण्डेशनको महाधिवेशनलाई सम्बोधनको क्रममा तथा नेकपा एमालेका अध्यक्षसमेत रहनुभएका ओलीले माधव र प्रचण्डको नाम नलिईकन ‘नाबाकाद’ अर्थात नामको बामपन्थी, कामको दक्षिणपन्थी रहेको बताउनु भयो ।

उहाँले नामका वामपन्थी कामका दक्षिणपन्थी ‘नावाकाद’हरु अझै सक्रिय रहेको बताउनु भयो । प्रचण्ड र माधवको नाम नलिए पनि उहाँले सरकार ढल्यो–ढल्यो भन्नेहरू (प्रचण्ड) र अनेकौं आरोप लगाइरहने समुह (माधव) रहेको बताउनु भयो । त्यो नाबाकाद समुहलाई कांग्रेस सभापति शेरबहादुर देउवा बैंककबाट फर्केपछि चिसो टाउकोमा पानी खन्याइदिएकाले उनीहरू छक्क परेको प्रधानमन्त्री ओलीले बताउनु भयो ।

नाबाकाद समुहको नामांकण पहिला एक पटक विष्णुबहादुर मानन्धर समूहले बिश्लेषण गरेको उल्लेख गर्दै उहाँले माधव प्रचण्ड अहिलेको अवस्थामा सो समुह रहेको बताउनु भयो । मानन्धर समुहले केशरजङ्ग रायमाझीहरूलाई ‘नावाकद’ भन्ने गरेको स्मरण गर्दै अहिले सरकार विरोधीहरू पनि नावाकाद नै रहेको उहाँको भनाई थियो ।

‘नाबाकाद दुईटा छन ।  एउटा कम्युनिस्ट आन्दोलन ध्वस्त पार्न हाम्रा विरुद्ध विभिन्न प्रकारका लाल्छना र आरोप लगाउने । अर्को ढल्यो ढल्यो ढल्यो सरकार ढल्यो । अहिले ढल्यो भरे ढल्यो, शेरबहादुरजी फर्कने वित्तिकै ढल्यो भन्नेहरु छन,’ प्रधानमन्त्री ओलीले भन्नुभयो 

‘नावाकाद भनेको छोटकरीमा ‘नामका वामपन्थी, कामका दक्षिणपन्थी । पहिला बिष्णुबहादुर मानन्धर समहले नामांकण गरेको त्यो ‘नावाकादहरु अहिले पनि छन् । उनीहरूको दुईवटा उद्देश्य रहेको छ,’ ओलीको भनाई थियो । उनीहरु एमालेबिरुद्ध तथानाम गाली गरेर नाबाकाद हौं भन्ने प्रमाणित गरिरहेको प्रधानमन्त्री ओलीले बताउनु भयो ।

‘नाबाकाद दुईटा छन ।  एउटा कम्युनिस्ट आन्दोलन ध्वस्त पार्न हाम्रा विरुद्ध विभिन्न प्रकारका लाल्छना र आरोप लगाउने । अर्को ढल्यो ढल्यो ढल्यो सरकार ढल्यो । अहिले ढल्यो भरे ढल्यो, शेरबहादुरजी फर्कने वित्तिकै ढल्यो भन्नेहरु छन,’ प्रधानमन्त्री ओलीले भन्नुभयो ।

उहाँले सो समुह नेपाल बन्छ कि भनेर त्रसित भइरहेको र अहिलेको सरकारले नराम्रो काम केही पनि नगरेको भएपनि मनपरी आरोप लगाइरहेको बताउनु भयो । आफूहरु यी दुवै समुहसँग सतर्क रहेको पनि उहाँले प्रष्ट पार्नुभयो ।