काठमाडौं, फागुन, २३

पुर्व प्रधानमन्त्री एवम् नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालसँग नेपालका लागि भारतका नवनियुक्त राजदुत विनयमोहन क्वात्राले भेटवार्ता गर्नुभएको छ ।

विहिवार राष्ट्रपति विद्यादेवी भण्डारीसमक्ष ओहोदाको प्रमाणपत्र प्रस्तुत गरेपछि उहाले राजनीतिक भेटघाट तिव्र पार्नुभएको छ । त्यस क्रममा आज विहान उहा माधव नेपालको जन्मदिन पारेर भेट्न पुग्नु भएको हो ।

कोटेश्वरस्थीत नेपाल निवासमा भएको भेटमा उहाँहरुबीच दुई देशको आपसी हित र सम्बन्धबारे कुराकानी भएको छ । वरिष्ठ नेता नेपालले नवनियुक्त राजदूत क्वात्रालाई कार्यकाल सफलताको शुभकामना दिनुभयो भने राजदूत क्वात्राले वरिष्ठ नेता नेपाललाई आज परेको जन्मदिनको अवसरमा शुभकामना दिनुभयो ।