काठमाडौं, असोज २८। नेपाली कांग्रेसको केन्द्रीय सदस्यमा आदिवासी जनजाति महिलातर्फ गीता गुरुङ र पुरुषतर्फ तीर्थ लामा सर्वाधिक मत प्राप्त गर्दै निर्वाचित हुनुभएको छ।

निर्वाचन समितिका अनुसार महिलातर्फ गीता गुरुङले २ हजार ८५९ मत प्राप्त गर्नुभएको छ। यसैगरी, डा. गङ्गालक्ष्मी अवालले २ हजार ७६८, रेणुका काउछ मगरले २ हजार ३९२, सपनाराज भण्डारी जोशीले २ हजार ३५१, सीता कुमारी राना मगरले २ हजार १३२, प्रमिला राईले २ हजार २०, लिलादेवी बोखिम लिम्बूले १ हजार ६८१ र पुनम लामाले १ हजार ६३६ मत प्राप्त गरी केन्द्रीय सदस्यमा निर्वाचित हुनुभएको छ।

आदिवासी जनजाति महिलातर्फ आठ पदका लागि ३४ जना उम्मेदवार प्रतिस्पर्धामा रहनुभएको थियो।

त्यसैगरी, पुरुषतर्फ तीर्थ लामाले ४ हजार ४२५ मत प्राप्त गर्दै सर्वाधिक मतसहित केन्द्रीय सदस्यमा निर्वाचित हुनुभएको छ। ई. अनुप श्रेष्ठले २ हजार ५५१, डा. प्रेमध्वज लामाले २ हजार ५०५, कर्मा छेरिङ शेर्पाले २ हजार ४०६, टेकप्रसाद गुरुङले २ हजार ९०, भीम श्रीस मगरले २ हजार ४६, रामकृष्ण चित्रकारले १ हजार ९८२, बुद्ध लामाले १ हजार ९५६, गेल्जे लामा शेर्पाले १ हजार ८१९, वंशलाल तामाङले १ हजार ७५६, अमृत गुरुङले १ हजार ६८९ र सुशील गुरुङले १ हजार ६४४ मत प्राप्त गरी निर्वाचित हुनुभएको निर्वाचन समितिले जनाएको छ।

आदिवासी जनजाति पुरुषतर्फ १२ जना केन्द्रीय सदस्य निर्वाचित हुनुभएको छ। साे पदका लागि ४१ जना उम्मेदवार प्रतिस्पर्धामा रहनुभएको थियो।