Untitled Document

सकियो ‘एनआरएनए जर्मनी कप फुटवल प्रतियोगिता’ : ह्यामबग टिम विजयी

किरण बुढाथोकी/काठमाडौं 

गैरआवासीय नेपाली संघ जर्मनीको आयोजनामा भएको ‘एनआरएन जर्मनी कप फुटवल प्रतियोगिता’ भब्य रुपमा सम्पन्न भएको छ । प्रतियोगितामा ह्यामबग टिम बिजयी भएको छ । प्रत्येक वर्ष नियमित रुपमा आयोजना गरिर्दै आएको प्रतियोगिताको दोस्रोमा मुनचेन र तेस्रोमा ब्रिमेन टिम विजयी भएको छ ।

एनआरएन जर्मनी अध्यक्ष विजय मोक्तानका अनुसार प्रतियोगितामा १५ टिम रर्जीष्टेशन भएपनि १२ टिम सहभागि भएका थिए । विशेष गरि जर्मनीमा रहेका नेपाली विद्यार्थी र दोस्रो पुस्तालाई केन्द्रित गरेर आयोजना गरिर्दै आएको प्रतियोगितामा यो पटक निकै उत्साहजन सहभागिता रहेको अध्यक्ष मोक्तानले जानकारी दिनुभयो ।

प्रतियोगतामा जर्मनीमा बस्ने नेपालीहरुको बाक्लो उपस्थिती थियो । एनआरडव्लु हेर्नेमा भएको खेल विभिन्न चार समूहमा विभाजन गरि खेलाइएको थियो । खेलमा जर्मनीमा कार्यरत ब्रिट्रिस आर्मीको समेत सहभागिता रहेको अध्यक्ष मोक्तानले बताउनुभयो । प्रतियोगिताका विजेतालाई गोल्ड मेडल, सिल्लबर र टफी र नगद पुरस्कार प्रदान गरिएको थियो ।

 त्यसअघि कार्यक्रममा गैरआवासीय नेपाली संघ आइसिसी संरक्षक एवं पूर्व अध्यक्ष जीवा लामिछाने, आइसिसी उपाध्यक्ष कुमार पन्त, आइसिसी सदस्यद्धय इटालीका छत्रकुमार श्रेष्ठ, जर्मनीका नारायण अधिकारी, जनसम्पर्क समिति जर्मनीका सभापति शिखर खड्का, ओएनयुएफ जर्मनका संयोजक चन्द्रकान्त आचार्यलगायतले ‘एनआरएन फुटवल कप’ले युवा विद्यार्थीलाई थप हौसल्ला प्रदान गर्दै आएको भन्दै यस्ता कार्यक्रमको खाँचो दर्शाउनुभएको थियो ।

October 4, 2018मा प्रकाशित

Leave a Reply

Your email address will not be published. Required fields are marked *