काठमाडौं, ४ असार । सत्तारुढ दुई दल नेपाली कांग्रेस र एमालेका ८ नेता छलफलमा जुटेका छन् । प्रधानमन्त्रीको सरकारी निवास बालुवाटारमा प्रधानमन्त्री केपी शर्मा ओली र कांग्रेस सभापति शेरबहादुर देउवासहितका ८ नेताहरू छलफलमा जुटेका हुन् । निजामती विधेयकमा समावेश कुलिङ पिरियड, रास्वपाको संसदमा अवरोधका साथै समसामयिक छलफलका लागि ८ नेता जुटेका हुन् । प्रधानमन्त्रीको सचिवालयका अनुसार कांग्रेसबाट सभापति देउवासहित उपसभापति पूर्णबहादुर खड्का, महामन्त्री गगन थापा, परराष्ट्रमन्त्री आरजु राणा, गृहमन्त्री रमेश लेखक र ऊर्जामन्त्री दीपक खड्का सहभागी हुनुहुन्छ । यस्तै एमालेबाट भने प्रधानमन्त्री र उपप्रधानमन्त्री विष्णु पौडेल सहभागी हुनुहुन्छ ।