काठमाडौं, कात्तिक १२। सरकार, मुख्य राजनीतिक दलका प्रतिनिधि र जेनजी प्रतिनिधिहरूबिच बुधबार वार्ता भएको छ ।

प्रधानमन्त्री सुशीला कार्कीले आयोजना गर्नु भएको छलफलमा जेनजी प्रतिनिधिहरूले तोकिएको मितिमा चुनाव हुनु पर्ने बताउँदै आन्दोलनको मुख्य एजेन्डा नै सुशासन भएको तर्फ राजनीतिक दल र सरकारको ध्यानाकर्षण गराएका छन्।

जेनजी प्रतिनिधिले चुनावका कुरा मात्र गरेर नहुने बताउँदै आन्दोलनको मुख्य माग सुशासन भएको बताए । भ्रष्टाचारविरुद्धको कारबाही निर्वाचन दुवै एजेण्डामा सरकार सँगसँगै अगाडि बढ्नुपर्ने उनीहरूले माग राखे ।