काठमाडौँ, १ भदौ । नेपाल कम्युनिस्ट पार्टी माओवादी केन्द्रका अध्यक्ष एवम् पूर्वप्रधानमन्त्री पुष्पकमल दाहाल ‘प्रचण्ड’ सँग भारतीय विदेशसचिव विक्रम मिस्रीले शिष्टाचार भेट गर्नुभएको छ । नेपालको दुई दिने औपचारिक भ्रमणका क्रममा आइतबार बिहान काठमाडौँ आइपुग्नुभएका सचिव मिस्रीले अध्यक्ष प्रचण्ड निवास खुमलटार पुगेर भेटवार्ता गर्नुभएको हो । भेटमा नेपाल–भारत द्विपक्षीय हितका विषयमा छलफल भएको प्रचण्डको सचिवालयले जनाएको छ ।
प्रतिक्रिया दिनुहोस्