काठमाडौं, भदौ १९ । रसुवाको भोटेकोशीमा आएको विनाशकारी बाढीका कारण हालसम्म १ हजार २९० जनाको मृत्यु भएको छ। नेपाल प्रहरीले शुक्रबार बिहान सार्वजनिक गरेको अद्यावधिक विवरणअनुसार बाढीमा परी अझै ४ हजार ७९८ जना बेपत्ता छन्।

प्रहरीका अनुसार फेला परेका शवमध्ये ४२७ पुरुष, २५० महिला, ३४ बालक र ४५ बालिका रहेका छन्। यस्तै, ५३२ वटा मानव शरीरका आंशिक अंग फेला परेका छन्। दुई जनाको भने अस्पतालमा उपचारका क्रममा मृत्यु भएको प्रहरीले जनाएको छ।

फेला परेका शवमध्ये ९२६ वटाको व्यवस्थापन भइसकेको छ। शवको पहिचानका लागि १ हजार १४३ मृतक र ७१९ आफन्त गरी कुल १ हजार ८६२ जनाको डीएनए नमुना संकलन गरिएको छ।

बेपत्ता हुनेमा २ हजार ८४७ नेपाली र ६०१ विदेशी नागरिक रहेका छन्। थप १ हजार ३५० जनाको अवस्थाबारे आफन्तले टेलिफोनमार्फत जानकारी गराएका छन्।

बाढी प्रभावित क्षेत्रबाट हालसम्म ८ हजार १२७ जनाको उद्धार गरिएको प्रहरीले जनाएको छ। उद्धार गरिएकामध्ये ३ हजार ६३१ जनालाई विभिन्न होल्डिङ सेन्टरमा राखिएको छ।

अझै पहिचान हुन नसकेका १ हजार १४१ शवको विवरण प्रहरीले आफ्नो वेबसाइटमा सार्वजनिक गरेको जनाएको छ। खोज तथा उद्धारसँगै शव पहिचान र व्यवस्थापनको कामसमेत जारी रहेको प्रहरीले जनाएको छ।