काठमाडौं, १६ वैशाख । धरान उपमहानगरपालिकाका मेयर हर्क साम्पाङले पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आन्दोलनरत शिक्षकलाई उक्साएको दाबी गरेका छन् ।

सामाजिक सञ्जालमा लेख्दै साम्पाङले प्रचण्डले आन्दोलन गरिरहन शिक्षकलाई उक्साइरहनुले के संकेत गर्छ ? भन्दै प्रश्न गरेका हुन् । साथै, उनले प्रधानमन्त्री भइसकेका प्रचण्डले अझै स्कूलहरु बन्दको बन्द रहिरहोस् भन्ने कामना गरेको कटाक्ष गरेका छन् ।

साम्पाङले भनेका छन्–
प्रचण्डले आन्दोलन गरिरहन शिक्षकलाई उक्साइरहनुले के संकेत गर्छ ? एउटा प्रधानमन्त्री भैसकेको मान्छेले अझै स्कूलहरु बन्दको बन्द रहिरहोस भन्ने कामना गर्नु पनि ! वार्ता खोज है मूर्ख वार्ता !