दाङ, जेग ३० । गएराती आएको भिषण बर्षा र पहिरोले अवरुद्ध भएको झन्डै १० घण्टापछि राप्ती राजमार्ग एकतर्फी सञ्चालनमा आएको छ।

राप्ती राजमार्गअन्तर्गत कपुरकोट–दाङ सडकखण्डको विभिन्न ठाउँमा वर्षासँगै आएको पहिरोले पूर्ण रूपमा अवरुद्ध भएको सडक शुक्रवार साँझबाट एकतर्फी खुलेको हो ।

सल्यान र दाङको सिमाना कपुरकोट गाउँपालिका– ३ चोरखोला र तुलसीपुर उपमहानगरपालिकाको राम्रीमा शुक्रबार बिहान ठुलो पहिरो झरेको थियो। मेसिनको मद्दतले पहिरो हटाएपछि एकतर्फी सडक सञ्चालनमा आएको जिल्ला प्रहरी कार्यालय सल्यानले जनाएको छ । प्रहरीका अनुसार चोरखोलामा गएको पहिरो निकै ठुलो भएकाले तत्कालका लागि एकतर्फी मात्र सडक सञ्चालन गर्न सम्भव भएको छ ।

पहिरोले सडक अवरुद्ध हुँदा रुकुम, सल्यान, रोल्पा भएर दाङ हुँदै जाने छोटो तथा लामो दूरीका यातायातका साधन बिचबाटोमै अलपत्र परेका थिए।