काठमाडौं, बैशाख ३० । सरकारको आगामी वर्षको नीति तथा कार्यक्रम प्रतिनिधिसभामा छलफल प्रारम्भ गरियोस् भन्ने प्रस्ताव टेबल भएको छ।

बुधबार बसेको प्रतिनिधि सभाको दोस्रो बैठकमा प्रधानमन्त्री वालेन्द्र शाहको तर्फबाट अर्थमन्त्री डा।स्वर्णिम वाग्लेले पेश गर्नुभएको हो । सभामुख डोलप्रसाद अर्यालले अर्थमन्त्री वाग्लेलाई टेबल गर्न समय दिएपछि उहाँले प्रधानमन्त्रीको तर्फबाट नीति कार्यक्रमको प्रति टेबल गर्नुभएको हो ।

अर्थमन्त्रीले टेबल गर्ने क्रममा विपक्षी दलहरूले सिटबाट उठेर विरोध जनाएका छन्। सदनमा अवरोध पुर्याएपछि सभामुखले प्रमुख प्रतिपक्षी दलका सांसदहरूलाई बोल्न समय दिए। विपक्षी दलहरूले सरकारको नीति तथा कार्यक्रमको छलफलमा प्रधानमन्त्री शाह सहभागी नभएपछि आपत्ती जनाएका छन्। उनीहरूले संसदमा अवरोध कायमै राखेका छन्।

सभामुखले सभाको कामकारवाही अघि बढाउन सहयोग गर्न आग्रह गरिरहेका छन्। तर पनि विपक्षी दलका सांसदहरू आफ्नो अडान छोडेका छैनन्। बिपक्षीले पुन अवरोध गरेका छन ।