काठमाडौं, जेठ  ७  । प्रतिनिधिसभामा प्रश्नोत्तरका लागि उपस्थित हुन सभामुख डोलप्रसाद अर्यालले गरेको आग्रह पनि प्रधानमन्त्री बालेन्द्र (बालेन) शाहले अस्वीकार गर्नुभएको छ। प्रतिनिधिसभा नियमावलीमा प्रत्येक महिनाको पहिलो साता कुनै एक दिन एक घन्टा प्रधानमन्त्रीसँग प्रश्नोत्तर कार्यक्रम रहने व्यवस्था भएकाले विपक्षी दलका नेताहरूले प्रधानमन्त्री उपस्थित हुनुपर्ने माग गरिरहेका छन्।

तर अहिलेसम्म प्रधानमन्त्रीले कसैको कुरा सुन्नुभएको छैन । आज सभामुख अर्यालले भेटेर आग्रह गर्दा पनि प्रधानमन्त्रीले सकारात्मक जवाफ दिनुभएन ।विपक्षीको दबावपछि संसद बैठक १५ मिनेट स्थगित गरेर सभामुख अर्याल प्रधानमन्त्री कार्यालय पुग्नुभएको थियो । भेटमा सभामुख अर्यालले प्रतिनिधिसभा नियमावलीमा भएको बाध्यात्मक व्यवस्था देखाउँदै प्रधानमन्त्री शाहलाई संसदमा उपस्थित हुन आग्रह गर्नुभयो तर उहाँले कुनै दिन समय मिलाउँला भन्दै ठोस मिति नदिएको स्रोतले बताएको छ।