काठमाडौं, कात्तिक १३ । सञ्चारकर्मी रवि लामिछाने र उनकी पत्नी निकिता पौडेललाई कोरोना संक्रमण देखिएको छ ।

आफू र पत्नी निकितालाई कोरोना संक्रमण पुष्टि भएको लामिछानेलेसामाजिक संजालमार्फत जानकारी दिनुभएको छ । लामिछानेले मंगलबार रातीबाट हल्का ज्वरो आएपछि बुधबार पीसीआर परीक्षण गराउँदा आफूहरुमा कोरोना पोजेटिभ देखिएको फेसबुकमार्फत जानकारी दिनुभएको हो ।

‘गत मंगलबार रातीबाट हल्का ज्वरो आएपछि हिजो पीसीआर टेष्ट गर्दा, म र निकिता दुवैमा कोरोना पोजेटिभ देखिएको छ । हामी दुवैको स्वास्थ्य सामान्य छ । केही पेशागत क्रियाकलापले र केही आफ्नै लापरबाहीले संक्रमण भएको हुन सक्दछ,’ लामिछानेले भन्नुभएको छ, ‘घरमा हामी दुई मात्र छौं त्यसैले धेरै समस्या छैन तर घरमा वृद्धअवस्थाका सदस्यहरु हुनेले चाहिँ बिल्कुल लापरबाही नगरौं ।’