काठमाडौं, २४ माघ । नेपालका सक्षमविक्रम शाह र नेपाली मूलका अमेरिकी आरभसम्राट हाडाको जोडी जे ६० काठमाडौं जुनियर वल्र्ड ¥याङकिङ टेनिस प्रतियोगिताको सर्किट– २ अन्तर्गत ब्वाइज डबल्समा बुधबार सेमिफाइनलमा प्रवेश गरेका छन् ।

सातदोबाटोस्थित टेनिस कोर्टमा उक्त जोडीले थाइल्यान्डका पेन चारुसोर्न र हङकङका सिन हाङ तामको जोडीलार्य २–६, ६–१ र १०–७ को सेटमा पराजित गरे । सोही स्पर्धामा चीनका जियनफेङ र जुन जि हे तथा भारतका भ्रज गोहिल र समर्थ सहिताको जोडी सेमिफाइनलमा पुगे ।

गल्र्स डबल्समा हङकङकी नाआमी र जापानका कोकामी साइतो, ताइपेईंका तोइमोना अकुयाना र यु चिङ, मंगोलियाकी मार्ता चोग्सोम्जाभ र दक्षिण कोरियाकी सुहा लि तथा चीनकी ये झिन ताङ र ताइपेईंकी चिङ वाङ सेमिफाइनलमा पुगे ।