सिन्धुली, भदौ ८ । सिन्धुलीको बेलटार सडकबाट एउटा कार सुनकोशी नदीमा खसेको छ । गोलन्जोर गाउँपालिका १ बेलटारस्थित सडकबाट एक निजी कार सुनकोशी नदीमा खसेको हो ।

कारमा सवारमध्ये एक जना घाइतेलाई उद्धार गरी उपचारका लागि खुर्कोटस्थित अस्पताल पठाइएको छ । नदीमा खसेको कार र बाँकी यात्रुको खोजी कार्य जारी रहेको प्रहरीले जनाएको छ ।

खोटाङको हलेसीबाट काठमाडौंतर्फ आइरहेको सो कार शनिबार साँझ नदीमा खसेको थियो । घटनाको थप विवरण आउन बाँकी छ ।