बागलुङ, कात्तिक २६ । बागलुङको जैमिनी नगरपालिका ८ छिस्तीबाट जिल्ला सदरमुकाम बागलुङ बजार आउँदै गरेको ‘पिकअपभ्यान’ जैमिनी ७ जैदीको व्यार्थला नजिकै दुर्घटना भएको छ ।

आज बिहान भएको दुर्घटनामा चालकसहित पाँच जनाको मृत्यु भएको प्रहरीले जनाएको छ । प्रहरीका अनुसार ग २ च ९२४७ ‘पिकपअभ्यान’ सडकदेखि एकसय मिटरभन्दा तल खसेर दुर्घटना भएको हो ।

घटनामा मृतकको पहिचान खुलिसकेको छैन । ‘पिकअपभ्यान’मा सवार एक जनाको भने जीवितै उद्धार गरिएको छ । घटनाको थप विवरण आउन बाँकी रहेको उनले बताए ।