काठमाडौं, पुस २८। काठमाडौंको स्वर्णलक्ष्मी सहकारी प्रकरणमा प्रतिवादीका रुपमा मुद्धा दायर गरिएका राष्ट्रिय स्वतन्त्र पार्टीका सभापति एवं पूर्वउपप्रधान तथा गृहमन्त्री रवि लामिछाने आज जिल्ला अदालत काठमाडौंमा हाजिर हुन लाग्नुभएको छ ।

पूर्वगृहमन्त्री लामिछानेको सचिवालयका अनुसार उहाँ आज अदालतमा उपस्थित हुन लाग्नुभएको हो । यसअघि पोखराको सूर्यदर्शन सहकारी ठगी प्रकरणमा अदालतले उनलाई ६५ लाख धरौटीमा रिहा गर्न आदेश दिएको थियो ।

अदालतको आदेशसँगै ८४ दिनपछि हिरासतमुक्त हुनुभएका लामिछाने काठमाडौं आएपछि आज जिल्ला अदालतमा हाजिर हुन लाग्नुभएको हो । उहाँको तर्फबाट कानून ब्यवसायीले शुक्रवार नै हाजिर हुने जानकारी अदालतलाई गराएका छन ।