एजेन्सी । ताइवान र चीनबीचको तनावका बीच अबको केही दिनमा अन्तर्राष्ट्रिय स्तरमा के हुने हो भन्ने सर्वत्र त्रासको वातारण छ । चीन र ताइवानकाबीच हुने सम्भावित प्रथक्ष्य द्वन्द्वमा सबैको नजर एकोहोरिएको छ । चिनियाँ सेनाले ताइवान नजिकै सैन्य अभ्यास सुरु गरेको छ र अब वातावरण थप तनावपूर्ण हुने अपेक्षा गरिएको छ।

यस्तो स्थितिमा ताइवानी जनता के गर्दैछन् ? भन्ने थाहा पाउँदा तपाई पनि छक्क पर्नुहुनेछ । ताइवान भित्रको वातावरण सामान्य छ र सायद जनता चीनको धम्कीबाट डराउँदैनन्। अर्थात उनीहरू केही नभएजस्तो गरिरहेका छन् ।

मानिसहरू आ–आफ्नै दैनिक काममा ब्यस्त
चिनियाँ सेनाले ताइवाननजिकै सैन्य अभ्यास सुरु गरेको छ । बुधबार २७ चिनियाँ लडाकु विमान ताइवानको सीमामा प्रवेश गरेपछि वातावरण निकै तनावपूर्ण बनेको थियो । तर ताइवान भित्रको वातावरण एकदम सामान्य छ।

ताइवानका वरिष्ठ पत्रकार टिंगिङ लिमिटेडले यहाँको सैन्य र विदेशी मामिलाका समाचारहरू कभर गर्नुहुन्छ । उहाँले यहाँको वातावरणको बारेमा जानकारी दिनुभयो ।

लिमिटेडले स्थानीय समय अनुसार बिहीबार दिउँसो १२ बजे चीनको पीएलए सेनाले सैन्य अभ्यास सुरु गर्न लागेको जनाएको छ । तर सर्वसाधारणको अवस्था भने सामान्य छ । कोही धेरै सचेत र हरेक समाचारमा चासो दिइरहेका छन्, कोही आफ्नो दैनिक कार्यमा व्यस्त छन् । त्यँही केही मानिसहरू समुद्य्ी तटमा गइरहेका छन्, उनीहरू चिनियाँ नौसेनाको जहाज र हतियार हेर्ने धेरै उत्सुक देखिएका छन् ।

जनताले के भने ?
सन् २०२० मा एउटा सर्वेक्षण गरिएको थियो जसमा चीनसँगको तनावबारे ताइवानको जनता के भन्छन् भन्ने जान्न खोजिएको थियो । यो रिसर्चले गरेको सर्वेक्षणमा धेरै चकित पार्ने कुराहरु खुलासा भएका थिए । यस सर्वेक्षणमा ताइवानका करिब दुई तिहाई जनताले अमेरिकालाई समर्थन गरेका थिए।

उनीहरू अमेरिकासँग थप व्यापार र राजनीतिक सहयोग बढाउन चाहन्थे । ताइवानी जनसंख्याको २३ प्रतिशतले मात्र चीनसँग मेलमिलापको कुरा गरेका थिए् ।

ताइवान र चीनबीचको अवस्था खतरनाक
बुधबार ग्लोबल टाइम्सका अनुसार यो युद्धाभ्यास एउटा असाधारण युद्धाभ्यास हो जसमा आधुनिक क्षेप्यास्त्रहरू पहिलो पटक ताइवानबाट पार हुनेछन् । साथै, पिएलएका सेनाहरू १२ समुद्री माइल वा २२ किलोमिटर भित्रबाट ताइवान प्रवेश गर्नेछन् । यस युद्धाभ्यासमा सेनाले मध्य रेखा पार गर्नेछन् र ताइवानलाई चारैतिरबाट घेर्नेछन्।

पीएलएको उद्देश्य ताइवानलाई दबाबमा पारेर पूर्ण रूपमा नियन्त्रण गर्नु हो । चीनले सन् १९९५ र १९९६ मा पनि यस्तै सैन्य अभ्यास गरेको थियो । ग्लोबल टाइम्सले पीएलएले महत्त्वपूर्ण सैन्य अभ्यास र विशेष प्रशिक्षण गतिविधि पनि सञ्चालन गर्ने जनाएको छ।

प्रत्यक्ष फायर ड्रिलहरू हुनेछन् जुन ६ प्रमुख समुद्री क्षेत्रमा गरिनेछ। साथै, चिनियाँ सेनाले आइतवारसम्म ताइवानको हवाई क्षेत्रलाई चारैतिरबाट घेर्नेछ।