जनता टाइम्स

३ कार्तिक २०८०, शुक्रबार ०५:४८

एनआरएनए अध्यक्षमा डा. बद्री केसी विजयी, नतिजा नमान्ने अन्य उम्मेदवारको घोषणा


काठमाडौं, ३ कात्तिक । गैरआवासीय नेपाली संघ (एनआरएनए) को अध्यक्ष पदमा डा बद्री केसी विजयी भएको घोषणासँगै तनाव भएको छ ।

पराजित उम्मेदवारहरुले सिस्टम ह्याकको आरोप लगाउँदै मतपरिणाम अस्वीकार गर्ने घोषणा गर्नुभएको छ भने समर्थकहरुले चर्को नाराबाजी गरिरहनु भएको छ ।

भेरो नामक अनलाइन सिस्टममा गोलमाल गरेर केसीले नतिजा प्रभावित गरेको अध्यक्षका अन्य प्रत्यासीहरु आरके शर्मा र महेश श्रेष्ठले आरोप लगाउनुभएको छ । उहाँहरूले अब कानुनी प्रक्रियामा जाने बताउनुभएको छ ।

राजधानीको होटल सोल्टीमा भएको ११ औँ विश्व सम्मेलन र सो क्रममा भएको निर्वाचनमा केसी, श्रेष्ठ र शर्मा चुनावी मैदानमा हुनुहुन्थ्यो । अध्यक्ष पदमा रविना थापाले समेत उम्मेदवारी दिएपनि उहाँले आफ्नो उम्मेदवारी निष्क्रिय गरेर श्रेष्ठलाईसमथैन गर्नुभएको थियो ।