उहाँले ‘बसौँ, आपसमा विमर्श गरौँ, सहकार्य मार्फत समाधान खोजौँ, जबजको मर्म पनि यही हो’ भन्दै पार्टी र नेताहरूबिच आपसी सहकार्य र विचार आदान–प्रदान आवश्यक रहेको उल्लेख गर्नुभएको छ।

भट्टराईले राष्ट्र, जनता र एमाले सबैलाई एक ठाउँमा उभ्याउने साझा आधार निर्माण गर्नुपर्ने आवश्यकता औँल्याउनुभएको छ। पछिल्लो समय एमालेभित्र आन्तरिक असमझदारी र सार्वजनिक आरोप–प्रत्यारोपको सन्दर्भमा उहाँको यो अभिव्यक्ति आएको हो ।

पूर्वराष्ट्रपति विद्यादेवी भण्डारीले पार्टीको सदस्यता नवीकरण गरी  आउने महाधिवेशनमा पार्टी अध्यक्ष बन्ने अभिव्यक्ति दिएपछि एमाले भित्र विवाद सुरु भएको छ । केही नेताहरू मदनको नीति, विद्याको नेतृत्व भन्दै हिँडेका छन् भने धेरै नेताहरू विधान महाधिवेशन नै नभएको अहिलेको अवस्थामा नेतृत्वको विवाद गरेर पार्टीलाई कमजोर बनाउने काम गर्नु नहुने बताउँदै आएका छन् ।