काठमाडौं, भदौ २ । नेकपा एमालेले १४ सांसदलाई पद मुक्त गर्ने निर्णयसहित बुझाएको पत्र सभामुख अग्निप्रसाद सापकोटा समक्ष पेश भएको छ । संसद सचिवालयका महासचिव भरतराज गौतमले बुधबार एमालेको पत्र सभामुख सापकोटा समक्ष पेश गरि औपचारिक जानकारी गराउनुभएको हो ।

एमालेले माधवकुमार नेपालसहितका १४ सांसदलाई कारबाही गरिएको पत्र मंगलबार दिउँसो ४ः२० मा संसद सचिवालयमा दर्ता गरेको थियो । कारबाही गरिएका भनिएका प्रतिनिधसभाका सांसदहरुमा माधवकुमार नेपाल, जीवनराम श्रेष्ठ, मुकुन्द न्यौपाने, रामकुमारी झाँक्री लगायत छन् । मंगलबार बसेको एमाले संसदीय दलको बैठकले ती सांसदहरुलाई कारबाही गर्न सिफारिस गरेको हो।

यी हुन कार्वाहीमा पर्ने सांसद

• माधव नेपाल
• जीवनराम श्रेष्ठ,
• मुकुन्द न्यौपाने
• रामकुमारी झाँक्री
• कल्याणी खड्का
• लक्ष्मीकुमारी चौधरी
• निरादेवी जैरु
• पुष्पाकुमारी कर्ण
• सरला यादव
• कलिला खातुन
• विरोध खतिवडा
• कृष्णलाल महर्जन
• भवानी खापुङ
• मेटमणी चौधरी