Untitled Document

प्रत्येक ग्राहकबाट साढे पाच सय अवैध रकम उठाउदै वल्ड्रलिंक

काठमाडौं, असार २७

इन्टरनेट सेवाप्रदायक सस्था वल्ड्रलिंकले हरेक ग्राहकबाट अवैध रुपमा रकम असुल्दै आएको आएको छ । वल्ड्रलिंकसहित सुबिसु र वेबसर्फरले प्रयोगकर्तालाई आर्थिक भार पार्ने गरी अवैध रुपमा मासिक करोडौं कमाई गरिरहेका छन् ।

दूरसञ्चार नियमावलीमा ग्राहकलाई उपलब्ध गराएको दूरसञ्चार सेवा कुनै कारणले बिग्रेमा निशुल्क मर्मत सम्भार गर्नुपर्ने प्रस्ट व्यवस्था गरिएको छ तर इन्टरनेट सेवा प्रदायकहरूले भने हरेक ग्राहकसँग मर्मत सम्भार र अनुगमनजस्ता शीर्षक राखेर रकम असुलिरहेका छन । ‘ग्राहकलाई उपलब्ध गराएको दूरसञ्चार सेवा कुनै कारणले बिग्रेमा प्राधिकरणले तोकिदिएको स्तरअनुरूप निशुल्क मर्मत सम्भार गर्नुपर्ने प्रस्ट व्यवस्था गरिएको छ,’ दूरसञ्चार नियमावलीको बुँदा नम्बर १५ को ‘ज’ मा भनिएको छ ।

तर, दूरसञ्चार सेवाको अनुमति पाएका इन्टरनेट सेवा प्रदायकहरूले नियमावलीविपरीत शुल्क ग्राहकसँग उठाउँदै आएका छन । वल्ड्रलिंकले प्रत्येक ग्राहकबाट साढे पाच सय रुपैया उठाउदै आएको छ । अन्य इन्टरनेट प्रदायकले पनि यस्तो रकम असूल्दै आएका छन् । ग्राहकसँग नियमविपरीत विभिन्न शीर्षकका रकम असुलेको भन्दै नियामक निकाय दूरसञ्चार प्राधिकरणले चैत १५ मा सबै इन्टरनेट सेवा प्रदायकहरूलाई शुल्क नलिन सचेत गराउँदै पत्र काटेको थियो ।

प्राधिकरणले पठाएको पत्रमा अनुगमन, प्राविधिक, मर्मत सम्भार, सहायता कुनै पनि शीर्षकमा शुल्क लिन नपाइने उल्लेख गरिएको भए पनि सेवा प्रदायकहरूले अटेर गरेपछि असार ४ गते पुनः पत्र काटिएको प्राधिकरणले जनाएको छ । विभिन्न शीर्षकमा रकम असुल्ने सेवा प्रदायकको अनुगमन थालिएको प्राधिकरणले जनाएको छ । अनुगमनका क्रममा विभिन्न शीर्षक राखी रकम लिएको भेटिएको भन्दै प्राधिकरणले मंगलबार सुबिसु र वेबसर्फरलाई पत्र काटेको छ ।

सबैभन्दा धेरै ग्राहक भएको इन्टरनेट सेवा प्रदायक वल्ड्रलिंकले आफ्ना ग्राहकसँग मनिटरिङ एन्ड टेक्निकल सपोर्ट शीर्षकमा प्रतिमहिना ५ सय ५० रुपैयाँ असुलिरहेको छ । प्राधिकरणको तथ्यांकअनुसार वल्ड्रलिंकका ग्राहक २ लाखभन्दा बढी छन । यो तथ्यांकको आधारमा मापन गर्दा वल्ड्रलिंकले आफ्ना ग्राहकबाट मासिक ११ करोडभन्दा बढी असुलिरहेको छ ।

July 11, 2018मा प्रकाशित

Leave a Reply

Your email address will not be published. Required fields are marked *