Untitled Document

जातीय भेषभुषा झल्कने गरि जापान बस्ने नेवारी समुदायले टोकियोमा गरे ‘टिपिकल नेवारी भोज’ (फोटोफिचरसहित )

टोकियो । जापानमा बस्ने नेपाली समुदायले टोकियोमा बृहत्त टिपिकल नेवारी भोज आयोजना गरेका छन् । नेवा खल जापान नेवार समुदायको आयोजनामा टिपिकल नेवार भोज टोकियोको कासाई रिङकाई पार्कमा आयोजना गरेका हुन ।

आफनो नेवारी भेषभूषा र आफ्ना जातिय कला संस्कृतिका साथमा सहभागि भएका नेवारी समुदायको उल्लेख्य  सहभागिता रहेको थियो । नेवारी भोज तयारी तथा सम्पुर्ण संयोजन र ब्यबस्थापन एनआरएन जापान महिला संयोजसमेत रहनु भएको सबिता श्रेष्ठले गर्नुभएको थियो

जापान बासी नेवारहरुलाई एकबद्ध बनाइ नेवारी कला सस्कृति भेष भुषाको सम्बर्धन गर्दै जापानीज् सस्कृतीसँग एकाकार गर्दै जापानबासी नेपाली तथा जापानीजहरु माझ यसको प्रोमोसन गर्ने उदेश्यले भोज कार्यक्रम आयोजना गरिएको अयोाजकले बताएको छ ।

कार्यकमले भविष्यमा नेपाल र नेपालीको सास्कृतिक पहिचानलाई जापानमा एउटा कोशे ढुँगा बनाउने आशा गरिएको छ । गत आइतबार २३ तारिख का दिन जापान बासी धेरै जसो नेवारी समुदायको सदस्यहरु यो कार्यक्रम सहभगी भइ यसलाई अझ महत्व बढाउनुभएको थियो ।

कार्यकममा जापान भरि बसोबास गर्दै आउनु भएको विभिन्न पेशामा आबद्ध नेवार समुदायको सदस्यहरु ख्यातिप्राप्त क्षेत्रका राजनीतिज्ञ ,प्राध्यापक ,वकिल ,इन्जिनियर,डाक्टर,ब्यापारी ,पत्रकार ,कर्मचारी ,खेलाडी ,कलाकार , बिधार्थी ,गृहणी लगायतको बाक्लो सहभागिता र उपस्थिति रहेको थियो ।

नेवा खल जापानको संयोजक प्रकास लाल श्रेष्ठको सभापतीत्वमा सम्पन्न कार्यक्रममा  प्रमुख अथिती डा. बलराम श्रेष्ठ, बिसेष अतिथि महेश श्रेष्ठ अतिथिहरु सुनिल शाक्य ,भुपि गोबिन्द श्रेष्ठ, ईन्दिरा सुज़ुकी ,सबिता श्रेष्ठ,अनिता गुरूङ, इश्वर जोशी, सिद्धार्थ श्रेष्ठ,सुजन जोशी, राजन श्रेष्ठ, बिकास श्रेष्ठ ,उत्तम श्रेष्ठ ,निकेश श्रेष्ठ ,नारायण खड्का र सकुल प्रजापति लगायतले महत्वपूर्ण मनतब्य राख्नु भएको थियो । कार्यक्रम संचालन राजेन्द्र श्रेष्ठले गर्नु भएको थियो । कार्यक्रममा उत्कृष्ठ नृत्य र लक्की गेम विनरलाई प्रमुख अतिथि डा बलराम श्रेष्ठ र बिशेष अतिथि महेश श्रेष्ठबाट पुरस्कार प्रदान गरीएको थियो ।

कार्यकममा नेवारी लोक नृत्य, नेवारी पोसाक ,नेवारी गित संगीत ,धिमे बाजा ,नेवारी सम्मे बजी,नेवारी भोजको अति नै अविस्मरणीय स्वाद र नेपाल झल्झली सम्झना आउने परिकारको खानपिन गरि सबै नेवारीजन्ले एकताको सन्देश प्रवाह गर्नु भएको थियो ।

कार्यकमको अन्तमा नेवा खल जापानको संयोजक प्रकाश लाल श्रेष्ठले आगामी दिनमा यस्ता सिर्जनात्मक,एकतामय र नेवारी समुदायको हितलाई ध्यान दिएर कार्यक्रम आयोजना गरिने बताउँदै सबैमा धन्यवाद ज्ञापन गर्नुभएको थियो ।

 

September 25, 2018मा प्रकाशित

Leave a Reply

Your email address will not be published. Required fields are marked *