काठमाडौं, पुस १० । नेकपा एमाले सुदूरपश्चिम प्रदेश सम्पर्क कमिटीको अध्यक्षमा सुरत खत्री निर्वाचित हुनुभएको छ ।

काठमाडौंमा सोमबार भएको दोस्रो प्रदेश सम्पर्क कमिटीको अधिवेशनमा ६७ मत ल्याएर खत्री अध्यक्षमा निर्वाचित हुनुभएको हो । अध्यक्षका अर्का उम्मेदवार रोशनदेव पन्तले ६२ मत पाउनुभयो ।

उपाध्यक्षमा वीरबहादुर धामी, सचिवमा खगेन्द्र साउद, उपसचिवमा पार्वती कठायत खड्का र नरेशबहादुर धमेना सर्वसम्मत चयन हुनुभएको छ ।

दीपेन्द्रसिंह ऐरी, किरणसिंह विष्ट, उर्मिला साउद, सिंहलाल बोहरा, दिनेशबहादुर धामी, नवराज श्रेष्ठ, पालुराम चौधरी, रुपेशकुमार साउद र नवीनराज गिरी सदस्यमा सर्वसम्मत चयन हुनुभएको छ ।