काठमाडौं, भदौ ३० । नेकपा एमाले वाग्मती प्रदेशको प्रथम अधिवेशनका लागि दोलखाबाट सर्वसम्मत रूपमा प्रतिनिधि चयन भएका छन ।

पार्टीले तोकेको समय अगाडि नै दोलखामा सर्वसम्मत रूपमा अधिवेशन प्रतिनिधि छानिएका नेकपा एमाले पोलिटब्युरो सदस्य एवं दोलखा जिल्ला इञ्चार्ज कमलप्रसाद चौलागाईंले जानकारी दिनुभयो ।

चौलागाईंका अनुसार गौरीशंकर गाउँपालिका केन्द्रबाट उर्मिला थामी, जङ्ग गुरुङ, तीर्थबहादुर खड्का, महाराज गुरुङ, निमा लामा र शंखनिमा शेर्पा प्रतिनिधि चुनिनु भएको छ । गौरीशंकर गाउँपालिका नेकपा एमालेका पोलिटब्यूरो सदस्य तथा पूर्वसञ्चारमन्त्री पार्वत गुरुङको गृहपालिका हो ।

यसैगरी जिरी नगर पालिकाबाट मित्रबहादुर जिरेल, लक्ष्मण गुभाजु, गोपाल जिरेल, टङ्कबहादुर जिरेल र मनमाया जिरेल प्रतिनिधि चुनिनुभएको छ । अधिवेशनका लागि तामाकोशी गाउँपालिकाबाट ईश्वर चन्द्र पोखरेल, वसन्तराज कार्की, देवी शर्मा, सुन्दर कार्की र उर्मिला खड्का सर्वसम्मत प्रतिनिधि चुनिनुभएको छ ।

यस्तै मेलुङ गाउँपालिकाबाट नरबहादुर श्रेष्ठ, धर्मेन्द्र मोक्तान, शिवहरि थापा, अम्बिका गोले, दानबहादुर तामाङ, नवराज खड्का, सविता आचार्य, सविता खरेल उप्रेती र शोभा पोखरेल प्रतिनिधि चयन हुनुभएको छ । उता शैलुङ गाउँपालिकाबाट भरतप्रसाद दुलाल, गुणबहादुर बुढाथोकी, गणेश कार्की, साङ्गलाल घिसिङ चुनिनुभएको छ ।

यस्तै भीमेश्वर नगर पालिकाबाट भरतबहादुर केसी, भुवन केसी, राजेन्द्र मानन्धर, मुरारीराज सिवाकोटी, ज्ञानेन्द्र प्रधान, हरिवंश चौलागाईं, पूर्णिमा खरेल थापा, डा.जानुका न्यौपाने र मेनुका सुवेदी अधिवेशन प्रतिनिधि हुनुभएको छ ।

कालिञ्चोक गाउँपालिकाबाट डवल पाण्डे, बालकृष्ण सिवाकोटी, सन्तोष खड्का, कालिका पाठक, बिनकुमार थामी र होम पाठक चुनिनु भएको छ । त्यस्तै वैतेश्वर गाउँपालिकाबाट प्रेमकुमारी चौलागाईं, शान्तिकुमारी तामाङ, हर्कमान पाख्रिन, केशव चौलागाईं, श्याम उप्रेती र उमेश आचार्य छानिनु भएको छ । यसैगरी स्तै बिगु गाउँपालिकाबाट कृष्ण भुजेल, ठुला थामी, कुमार खड्का र शारदा राना राना प्रतिनिधि चुनिनु भएको छ ।

यस्तै उत्पीडित समुदायबाट टेकबहादुर सुनार, सुन्दर लामिछाने, युवराज बिक, भीमसेन नेपाली, लोकबहादुर नेपाली, विशाल बिक, सुमन सोनाम, ईश्वर नेपाली, जानुका गहतराज र तारा नेपाली प्रतिनिधि छानिनु भएको छ । नेकपा एमाले वाग्मती प्रदेश अधिवेशन असोज ८ र ९ गते काठमाडौंमा हुँदै छ । आज भदौ ३० गतेभित्र प्रदेशका सबै पालिकाबाट प्रतिनिधि छनोट भइसक्नु पर्ने प्रदेश कमिटीको निर्णय रहेको छ ।