काठमाडौं, चैत ९ । नेकपा एमालेले केन्द्रीय सचिवालयको बैठक बोलाएको छ ।
एमाले अध्यक्ष केपी शर्मा ओलीले यही चैत ११ गते आइतबार पार्टी कार्यालय च्यासलमा बस्ने गरी बैठक बोलाउनु भएको हो । बैठकमा पछिल्ला समसामयिक राजनीतिक घटनाक्रमबारे छलफल हुने कार्यसूची तय गरिएको छ ।
बैठकले गठबन्धन परिवर्तनपछिको अवस्था, सरकारलाई प्रभावकारी बनाउने बिषय र पार्टीले अघि बढाउने अभियानको बिषयमा छलफल गर्ने एजेण्डा रहेको छ ।
बैठकले मन्त्रिहरुका लागि आचारसंहितासमेत तोक्ने बताइएको छ ।
प्रतिक्रिया दिनुहोस्