सिन्धुपाल्चोक, चैत २०। नेकपा एमाले सिन्धुपाल्चोकको अध्यक्षमा होमनारायण श्रेष्ठ निर्वाचित हुनुभएको छ ।

आज बिहान सम्पन्न मतगणनाको परिणामअनुसार निवर्तमान अध्यक्ष कमल नेपाललाई पराजीत गरी थोरै मतान्तरले श्रेष्ठ अध्यक्षमा निर्वाचित हुनुभएको हो । यसैगरी निर्वाचनबाट उपाध्यक्षमा अर्जुन भण्डारी र सचिवमा कृष्णगोपाल तामाङ निर्वाचित हुनुभएको छ ।

यस्तै उपसचिवमा शिवहरि सापकोटा र सुशीला पाख्रिन निर्वाचित हुनुभएको छ । अधिवेशनबाट १ सय १ सदस्सीय जिल्ला नेतृत्व चयन भएको एमाले नेता शेरबहादुर तामाङले जानकारी दिनुभयो । एमाले सिन्धुपाल्चोकको १०औं जिल्ला अधिवेशनमा सहमति प्रयाश सफल नभएपछि श्रेष्ठ र नेपाल पदाधिकारीमा आफ्नो प्यानल बनाएर निर्वाचनमा होमिनुभएको थियो ।