काठमाडौं, चैत १६
सरकारले कोरोना भाइरसको परीक्षण गर्ने पीसीआर (पोलिमर चेन रियाक्सन) परीक्षण मेसिन चार वटा प्रदेशमा आजै पठाउने निर्णय गरेको छ । उपप्रधानमन्त्री ईश्वर पोखरेलको नेतृत्वमा रहेको कोरोना भाइरस रोकथाम तथा नियन्त्रण उच्च स्तरिय समितिले चार वटा प्रदेशमा तत्काल पठाउने निर्णय गरेको हो ।
समितिका अनुसार चीनबाट आज पाँच थान आएको र त्यसमध्ये प्रदेश–२, प्रदेश–५, कर्णाली र सुदूरपश्चिम प्रदेशमा एक एक थान पठाउने निर्णय गरेको छ । प्रदेश–१ मा वीपी कोइराला स्वास्थ्य विज्ञान प्रतिष्ठान धरानले आजबाट शुरु गरिसकेको छ । समितिले बाँकी रहेको एक मेसिन भने जहा बढि आवश्यकता पर्दछ त्यहा पठाउने निर्णय गरेको छ ।
स्वास्थ्य मन्त्रालयका अनुसार पीसीआर जनकपुर, हेटौडा, पोखरा, बुटवल, सुर्खेत, धनगढीमा राख्ने निर्णय भएको छ । त्यहा आवश्यकता अनुसारको दक्ष जनशक्ति पठाउने काम भईरहेको बताएको छ ।
प्रतिक्रिया दिनुहोस्