कास्की, जेठ २८

गण्डकी प्रदेशमा नेपाली कांग्रेसका सांसद कृष्णचन्द्र नेपाली पोखरेलले बहुमत सांसदको हस्ताक्षरसहित प्रदेश प्रमुख सीताकुमारी पौडेलसमक्ष मुख्यमन्त्रीमा दावी पेश गर्नुभएको छ । मुख्यमन्त्रीमा कृष्ण चन्द्रलाई नियुक्त गर्न ३१ बहुमत सांसदले हस्ताक्षर बुझाएका छन् ।

आज नेपाली कांग्रेसका १५, नेकपा माओवादी केन्द्रका ११, राष्ट्रिय जनमोर्चाका २, जनता समाजवादी पार्टीका २ र स्वतन्त्र सांसद दीपक मनाङेसहित प्रदेश प्रमुख कार्यालय पुगेर उहाँले ३१ सांसदको समर्थन आफूलाई रहेको भनी प्रदेश प्रमुखलाई हस्ताक्षर बुझाउनुभयो । विपक्षी गठबन्धनमा जनमोर्चाका एक सांसद कृष्ण थापाले भने हस्ताक्षर गर्नुभएन ।