लमजुङ, मंसिर २२ । बैतडीको झुलाघाटबाट पाँचथरको चिवाभञ्ज्याङसम्म हिडेको नेकपा एमालेको ‘समृद्धिका लागि संकल्प यात्रा’ टोलीलाई लमजुङमा फरक ढंगले स्वागत गरिएको छ ।

नेकपा एमालेका अध्यक्ष केपी शर्मा ओलीको नेतृत्वमा यात्रामा रहनुभएका एमाले पदाधिकारीसहितका टोलीलाई उपमहासचिव पृथ्वीसुब्बा गुरुङको गृहजिल्ला लमजुङमा आज बिशेष प्रकारले स्वागत गरिएको हो । टोलीलाई यात्राको थकान मेटाउन रोटे पिङ खेलाएर स्वागत गरिएको हो ।

एमाले टोली आज पोखराबाट लमजुङ आइपुगेको हो । टोली लमजुङको कार्यक्रम सकाएर आजै गोरखा पुगेर बास बस्ने कार्यक्रम रहेको एमाले केन्द्रीय प्रचार बिभागका सदस्य रामकृष्ण ज्ञवालीले जानकारी दिनुभयो ।

हेर्नोस भिडियो