जनकपुरधाम, ३० बैशाख । मधेश सरकारबाट नेकपा एमाले पनि बाहिरिएसँगै ६ मन्त्रीले राजीनामा दिनुभएको छ ।

एमालेका भौतिक पूर्वाधार विकास मन्त्री सरोज कुमार यादव, गृह, सञ्चार तथा कानून मन्त्री राजकुमार लेखी, स्वास्थ्य तथा जनसंख्या मन्त्री शत्रुधन प्रसाद सिंह, शिक्षा तथा समाज कल्याणमन्त्री प्रमोद जयसवाल, स्वास्थ्य राज्यमन्त्री केशव राय र गृह राज्यमन्त्री शारदा थापाले राजीनामा दिनुभएको हो ।

एमाले दलका नेता तथा भौतिक पूर्वाधार विकासमन्त्री यादवसहितका मन्त्रीहरू मधेश भवन पुगेर मुख्यमन्त्री सरोज कुमार यादवलाई राजीनामा बुझाउनुभएको हो । यस्तै सरकारलाई दिएको समर्थन पनि एमालेले आजकै मितिबाट फिर्ता लिएको छ ।