काठमाडौं, २४ भदौ । नेपाल पत्रकार महासंघका अध्यक्ष विपुल पोखरेलले पदबाट राजीनामा दिनुभएको छ । पोखरेलले वरिष्ठ उपाध्यक्ष रमेश विष्टलाई राजीनामा बुझाउनुभएको हो ।

महासंघको निर्वाचन दुई पटक तोकिए पनि हुन नसकेको अवस्थामा अध्यक्ष पोखरेलले पुनः कार्यतालिका ल्याउन नसकेको, सदस्यता विवाद मिलाउन नसकेको अवस्थामा उहाँले राजीनामा दिनुभएको हो । पोखरेलले महासंघको अहिलेको अवस्थाप्रति नैतिक जिम्मेवारी लिँदै राजीनामा दिएको उल्लेख गर्नुभएको छ ।