काठमाडौं, ९ असोज । काठमाडौंको कागेश्वरी मनोहरा –८ तेज विनायकबाट एक बृद्ध महिला १२ दिनदेखि बेपत्ता हुनुभएको छ । तेज विनायकस्थित गणेश मन्दीर आसपासबाट गत भदौ २९ गतेदेखि उहाँ बेपत्ता हुनुभएको परिवारजनले जानकारी दिनुभएको छ ।

सिन्धुपाल्चोकको इन्द्रावती गाउँपालिकाकी ८० वर्षीया राधिका थापा तेज विनायकमा बस्दै आउनुभएको थियो । बोल्न नसक्ने र मानसिक सन्तुलन पनि गुमाएकी बेपत्ता राधिका थापालाई देख्नु हुने वा भेट्नु हुने महानुभावले परिवारजन वा नजिकको प्रहरी कार्यालयमा खबर गरिदिन आग्रह गरिएको छ ।

देख्नु हुने वा भेट्नु हुने महानुभावले सिधै ९८६४२८८७७२ रेणुका थापा, वा ९७४५३०१२३० रमेश थापा, वा ९८४१८९८२४३ मोइवाइल नम्वरमासम्पर्क गर्न सक्नुहुने परिवारजनले बताउनु भएको छ ।