चितवन, चैत २७।  नेपाली कांग्रेसका नेता डा. शेखर कोइरालाले जनताको आक्रोशलाई सामान्य लिन नुहने बताउनु भएको छ ।

कांग्रेस चितवनले आयोजना गरेको ३५औँ जनआन्दोलन दिवसको सन्दर्भ तथा नयाँ वर्ष २०८२ को शुभकामना आदानप्रदान कार्यक्रमलाई सम्बोधन गर्दै कोइरालाले यस्तो बताउनुभएको हो । ‘जनताको आक्रोशलाई सामान्य लिन हुँदैन,’ कोइरालालेभन्नुभयो ।

उहाँले सरकारले काम गर्न नसक्दा जनता आक्रोशित भएको पनि बताउनु भयो । वर्तमान सरकार गठनका समयमा दुई दलबीच भएको सहमति कार्यान्वयन हुन नसकेको उल्लेख गर्दै कोइरालाले भन्नुभयो, ‘अहिले जनता दिनहुँ सडकमा आइरहेका छन। यसको अन्त गर्न सके मात्रै सरकार भएको अनुभूति हुन्छ।’