जनता टाइम्स

१० जेष्ठ २०७९, मंगलवार १२:१२

सिराहामा ट्याक्टरबाट खस्दा किशोरको मृत्यु


सिराहा, १० जेठ । सिराहाको गोलबजार नगरपालिका–६ लभटोलीमा हिजो साँझ ट्याक्टरबाट खसेर एक किशोरको मृत्यु भएको छ । मृत्यु हुनेमा स्थानीय १६ वर्षीय रामरिजन सदाय रहेका छन् ।

ट्याक्टरबाट खस्दा गम्भीर घाइते भएका उनको उपचारका क्रममा गोलबजार स्थित लौङ लाईफ अस्पतालमा मृत्यु भएको हो ।

प्रदेश २–०१–००१ त ०६७५ नम्बरको ट्याक्टरमा सवार सदाय हिजो साँझ ५ बजे ट्याक्टरबाट खसेका हुन् । ट्याक्टर सहित चालकलाई ईलाका प्रहरी कार्यालय गोलबजारले नियन्त्रणमा लिएको छ ।