काठमाडौं, भदौ २८। नेकपा (एमाले) का युवा नेता माधव ढुंगेलले हालको जेनजी आन्दोलनलाई परिवारकै सदस्यहरूको आवाजका रूपमा व्याख्या गर्नुभएको छ।

सामाजिक सञ्जाल फेसबुकमार्फत प्रकाशित विचारमा उहाँले जेनजीको मागलाई सुशासन र पारदर्शितासँग जोड्दै यो सबैको साझा मुद्दा भएको उल्लेख गर्नुभएको छ। ‘जेन्जी भनेका हाम्रा घरका भाई बहिनी र छोरा छोरी हुन्, उनीहरुले खोजेको सुशासन र पारदर्शीता हो, यो हामी सबैको मुद्दा हो’, उहाँले भन्नुभयाे ।

ढुंगेलले एमालेलाई लामो इतिहास बोकेको, संघर्षको मैदानबाट आएको र करिब ७ लाख सदस्य भएको जिम्मेवार पार्टीको रूपमा चित्रण गर्नुभएकाे छ। ‘हामी जस्ताे सुकै अप्ठ्याराे अवस्थाको पनि व्यवस्थित समाधान खोज्दै आएका छौं, राष्ट्रिय स्वाधीनताको क्षेत्रमा हाम्रो नेतृत्वको भूमिका ऐतिहासिक र गौरवपूर्ण छ’, उहाँले लेख्नु भएकाे छ ।

भदौ २३ र २४ गतेका घटनाबारे ढुंगेलले सत्यतथ्य छानबिन गर्नुपर्ने र दोषीलाई कडा भन्दा कडा कारबाही गर्नुपर्ने आवश्यकता औंल्याउनुभएकाे छ ।