जनता टाइम्स

१ मंसिर २०८३, मंगलबार ०९:०४

काठमाडौँमा चिसो बढ्यो, न्यूनतम तापक्रम ८.८ डिग्रीमा झर्‍यो


काठमाडौं, मंसिर १ । काठमाडौँ उपत्यकामा चिसो बढ्न थालेको छ । एकै दिनमा न्यूनतम तापक्रम ३.६ डिग्री सेल्सियसले घटेपछि बिहानको चिसो थप बढेको हो ।

मौसम पूर्वानुमान महाशाखाका अनुसार मंगलबार बिहान ५ः४५ बजे काठमाडौँ उपत्यकाको न्यूनतम तापक्रम ८.८ डिग्री सेल्सियस मापन गरिएको छ ।

सोमबार सोही समयमा उपत्यकाको न्यूनतम तापक्रम १२.४ डिग्री सेल्सियस थियो । एक दिनमै तापक्रम उल्लेख्य रूपमा घटेपछि बिहान र रातिको समयमा चिसो बढी महसुस हुन थालेको छ ।