जनता टाइम्स

१ मंसिर २०८३, मंगलबार ०७:१६

भारतका लागि नवनियुक्त राजदूत पाण्डे आज नयाँ दिल्ली जाँदै


काठमाडौं, मंसिर १ । भारतका लागि नवनियुक्त नेपाली राजदूत डा. निश्चलनाथ पाण्डे आज नयाँ दिल्ली जाँदै हुनुहुन्छ ।

प्रधानमन्त्री बालेन्द्र शाहको आसन्न भारत भ्रमणको तयारीका लागि उहाँ दिल्ली जान लाग्नुभएको हो । परराष्ट्र मन्त्रालय स्रोतका अनुसार पाण्डे आजै नयाँ दिल्ली पुगेर आफ्नो जिम्मेवारी सम्हाल्ने तयारीमा हुनुहुन्छ ।

प्रधानमन्त्री शाह आगामी मंसिर ६ गते भारत भ्रमणमा जाने तयारीमा रहनुभएको छ । भ्रमणका एजेन्डालाई अन्तिम रूप दिन नेपाल र भारत दुवै पक्षले आवश्यक तयारी गरिरहेका छन् ।

पाण्डे सोमबार मात्रै राष्ट्रपतिबाट भारतका लागि नेपाली राजदूत नियुक्त हुनुभएको थियो । प्रधानमन्त्रीको भारत भ्रमणलाई प्रभावकारी बनाउन उहाँको नियुक्तिलाई महत्त्वपूर्ण रूपमा हेरिएको छ ।