काठमाडौं, साउन ५ । नेपालमा ६६. ५१ प्रतिशत संक्रमितले कोरोनालाई जितेर घर फर्किएका छन । स्वास्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले दिनुभएको जानकारी अनुसार आजसम्म ११ हजार ८ सय ६८ जना संक्रमितले कोरोना जितेका छन ।

पछिल्लो २४ घण्टामा १ सय ७३ जना कोरोना जितेर डिष्चार्ज भएको प्रवक्ता गौतमले जानकारी दिनुभयो । गौतमका अनुसार पछिल्लो २४ घण्टामा २७ ओटा प्रयोगशालामा ४ हजार २ सय १६ जनाको पिसिआर बिधिबाट परीक्षण भएको छ ।

पछिल्लो २४ घण्टामा १८६ जना कोरोना संक्रमित थपिएको जानकारी पनि स्वास्थ्य प्रवक्ता गौतमले जानकारी दिनुभयो । उहाँका अनुसार आज थपिएकासँगै अव ५९३६ जना कोरोना संक्रमित उपचाररत रहेका छन ।