पोखरा, साउन १२

कास्की जिल्लाको पोखरामा रहेको मणिपाल शिक्षण अस्पतालका आवासीय चिकित्सकलाई कोरोना भाइरसको संक्रमण पुष्टि भएको छ। एमडी पहिलो वर्षमा अध्ययनरत मेडिकल वार्डमा कार्यरत चिकित्सकमा कोरोना संक्रमण देखिएको हो ।

आइतबार क्षेत्रीय अस्पतालको कोरोना प्रयोगशालामा परीक्षणका लागि पठाइएको स्वाब संकलनको रिपोर्ट सोमबार बिहान पोजेटिभ आएको हो । संक्रमित डाक्टरलाई पश्चिमाञ्चल क्षेत्रीय अस्पतालको आइसोलेसनमा ल्याइएको छ। निर्देशनालयले पोखरामा एक जना पुरुष र एक जना महिला गरी दुई जनामा संक्रमण देखिएको जनाएको छ ।