काठमाडौं, साउन २६
स्वास्थ्य तथा जनसंख्या मन्त्रालयले देशभर रहेका सम्पूर्ण अस्पतालले आफुसँग भएकोमध्ये २० प्रतिशत बेड कोरोना संक्रमितको उपचारका लागि छुट्याउन निर्देशन दिएको छ । मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले निजी, सामुदायिक, सरकारी तथा गैरसरकारी अस्पतालले २० प्रतिशत बेड छु्ट्याइ कोभिड हब अस्पतालमार्फत मन्त्रालयलाई जानकारी गराउन निर्देशन दिनुभयो ।
उहाँले सेटेलाइट अस्पतालहरुको बिरामीको उपचार तथा व्यवस्थापन हब अस्पतालले नै गर्नुपर्ने बताउनुभयो । उपत्यकासहित देशभर कोरोना संक्रमितको संख्या बढदै गएको र जटिल समस्या हुनेको संख्या समेत बढ्न थालेपछि यस्तो निर्देशन दिएको हो । आज मात्रै उपत्यकामा ४४ र देशभर ३३८ जनामा कोरोना संक्रमण देखिएको थियो । पछिल्लो समय उपत्यकासहित देशभर कोरोना संक्रमणले तिब्रता लिएको छ ।
प्रतिक्रिया दिनुहोस्