कर्णालीमूख्य समाचारशिक्षा / स्वास्थ्यसमाचारसमाज

अदालतले सुनायो बलात्कारको आरोप लगाउने युवतीलाई नै जेल सजायको फैसला, यस्तो छ कारण

सुर्खेत, भदौ ३१ । बलात्कारको आरोप लगाउने एक युवतीलाई नै अदालतले सजाय सुनाएको छ । जिल्ला अदालत सुर्खेतले झुटो आरोप लगाएको भन्दै ती युवतीलाई कैद सजाय सुनाएको हो ।

तात्कालीन साल्ट ट्रेडिङ्ग कर्पोरेशन सुर्खेतका प्रमुख रामप्रसाद गुप्तालाई बलात्कारको आरोप लगाउने युवतीलाई अदालतले एक महिना कैद र १५ सय रुपैयाँ जरिवानाको फैसला गरेको छ । जिल्ला अदालत सर्खेतले भदौ १४ गते ती युवतीलाई एक महिना कैद र १५ सय रुपैयाँ जरिवाना हुने गरी फैसला गरेको अदालतका श्रेस्तेदार यमप्रसाद बास्कोटाले जानकारी दिनुभयो । ‘यो गम्भीर आरोप हो । जबरजस्ती करणीको आरोप लगाएर कसैको जीवनमाथि खेलवाड गर्नुहुन्न भन्ने ठहरका साथ अदालतले ती युवतीलाई कैद र जरिवानाको फैसला गरेको छ,’ श्रेस्तेदार बास्कोटाले भन्नुभयो ।

कैद सजाय फैसला भएकी १८ वर्षीय युवती सुर्खेतको बराहतालकी हुन् । मुलुकी फौजदारी कार्यविधि संहिता, २०७४ को दफा ४४ को उपदफा २ (क) अनुसार फैसला भएको श्रेस्तेदार बास्कोटाको भनाइ छ । गत असोज २८ र ३० गते गुप्ताले कार्यालयमै बोलाएर बलात्कार गरेको भन्दै ती युवतीले मंसिरमा जिल्ला प्रहरी कार्यालय सुर्खेतमा उजुरी दिएकी थिइन ।

युवतीले जागिर लगाइदिने भन्दै गुप्ताले यौन शोषण गरेको वकपत्रमा उल्लेख छ । तर उक्त वकपत्र नै झुटो भएको ठहर अदालतले गरेको छ । अदालतको फैसलापछि ती युवती फरार भएकी छन । फैसला भएदेखि ती युवती सम्पर्कमा आएकी छैन्नन । कैद भुक्तान तथा जरिवाना असुल गर्न पक्राउका लागि जिल्ला प्रहरी कार्यालय सुर्खेतलाई पत्र पठाइएको छ ।

Comment here