फोटो फिचरमूख्य समाचारसमाचारसमाज

प्रधानमन्त्रीले हास्दै नवनियुक्त मन्त्री भट्टराईलाई बधाई दिएपछि…

काठमाडौं, साउन १५

केही समय अघि नेपाल कम्युनिष्ट पार्टीका सांसद तथा स्थायी समिति सदस्य योगेश भट्टराईले भन्नुभएको थियो,‘मन्त्रिपरिषद् हेरफेर खासमा पहिले धेरै छलफल गरेर कार्यान्वयन गर्ने विषय होइन । यदि भोलि निर्णय गर्नु पर्ने छ भने आज राति छलफल गर्ने विषय हो यो । किनकि पहिले नै छलफल गर्ने हो भने काम गरिरहेका मन्त्रीहरुको मनोदशमा समस्या हुनसक्छ, उहाँहरुको कामलाई यस्ता छलफलले प्रभावित पारिदिन्छ ।’

साउन १५ को चपेटा, कोही खिर खाने शुरुमा थिए त कोही खाईसकेका थिए । त्यसै क्रममा मध्यान्ह एक समाचार एकाएक भाइरल भयो । नेकपाका नेता योगेश भट्टराई पर्यटनमन्त्री बन्ने । कसैले यसलाई अफवाहका रुपमा लिए भने कसैले यसलाई पुरानै शैली भन्नसम्म भ्याए । तर, मुलधारका समाचार पोर्टलमा पनि यो समाचार आएपछि सबैले पत्याए ।

त्यसैक्रममा धेरैको मानसपटलमा एउटा भाषणाको याद आयो । प्रतिनिधिसभाको निर्वाचन नजिकिदै गर्दा तत्कालिन एमालेका अध्यक्ष केपी शर्मा ओलीले पूर्व–पश्चिम चुनावी अभियानको पहिलो दिननै ताप्लेजुङमा एउटा दमदार भाषणा गर्नुभएको थियो । ०७४ कार्तिक १९ ताप्लेजुङबासी समक्ष उहाले वाचा गर्दै भन्नुभएको थियो, तपाईहरु योगेश भट्टराईलाई चुनाव जिताएर पठाउनु होस्, म मन्त्री बनेर पठाईदिन्छु ।’ नभन्दै तत्कालिन एमाले र माओवादीले झण्डै दुई तिहाई सिट सख्या ल्याएर चुनाव जित्नुभयो । अध्यक्ष ओली ५ वर्षे कार्यकालका लागि प्रधानमन्त्री बन्नुभयो ।

प्रधानमन्त्री बनेपछि विस्तार गरेको मन्त्रिपरिषद्मा भट्टराई मन्त्री बन्नेको सूचिमा पर्नुभएन । सबैले भने प्रधानमन्त्री ओलीले बाचा पुरा गरेनन् । तर, २२ महिनापछि प्रधानमन्त्रीले त्यो बाचा पुरा गर्नुभएको छ । बुधबार अपरान्ह राष्ट्रपति निवासमा शपथ ग्रहण समारोह आयोजना भयो । शपथ लिएपछि प्रधानमन्त्रीले मुस्कुराउदै मन्त्री भएकोमा बधाई दिनुभयो । भट्टराईले पनि हास्दै उहाको बधाईलाई स्विकार गर्नुभयो ।

शपथ लिएपछि उहा सिंहदरवारस्थित पर्यटनमन्त्रालय पुगेर पदभार ग्रहण गर्नुभएको छ । पदभार ग्रहण गर्दै उहाले आफु रविन्द्र अधिकारीको उत्तराधिकारीका रुपमा आएको बताउनु भयो ।

Comment here